Entoni Joshua professional boksdagi faoliyatini qachon yakunlamoqchi ekanligini aytdi
Superog‘ir vazn toifasida IBF, WBA, WBO va IBO kamarlari sobiq sohibi, 36 yoshli britaniyalik Entoni Joshua professional boksdagi faoliyatini qachon yakunlashni rejalashtirayotgani haqida gapirdi.
«Balki 40 yoshgacha jang qilarman. Bu atigi uch-to‘rt yil degani… Oktyabr oyida 37 yoshga to‘laman, shuning uchun bu atigi uch yildan keyin sodir bo‘ladi, vaqt tez o‘tib ketadi. Albatta, qiyin bo‘ladi, lekin men buni aniq uddalayman. Nega endi yo‘q?» — deya ma’lum qildi Joshua matbuot bilan muloqot paytida.
Joshua professional darajada 2013 yildan buyon maydonga tushib keladi. Uning hisobida 28 ta g‘alaba (shulardan 25 tasi muddatidan avval) va to‘rtta mag‘lubiyat bor. Entoni, shuningdek, 2012 yilda Londonda bo‘lib o‘tgan Olimpiada o‘yinlarining 91 kg dan yuqori vazn toifasidagi oltin medali sohibi hisoblanadi.
