Dana Uayt Jervonta Devisni Zuffa Boxing'ga taklif qilishi mumkinligini tasdiqladi
Jervonta Devis uch vazn toifasida chempionlikni qo‘lga kiritgan va professional faoliyatidagi eng mashhur bokschilardan biri hisoblanadi.
Foto: Getty Images
Zuffa Boxing rahbari Dana Uayt yengil vazn yulduzi Jervonta "Tank" Devis bilan hamkorlik qilish istagini tasdiqladi. Uning aytishicha, bokschi vakillari bilan muzokaralar allaqachon boshlangan.
Uayt Devisni zamonaviy boksning eng yorqin jangchilaridan biri deb atab, agar imkoniyat tug‘ilsa, uni Zuffa Boxing safida ko‘rishni istashini bildirdi. Biroq hozircha tomonlar o‘rtasida shartnoma imzolangani yoki aniq jang bo‘yicha kelishuvga erishilgani yo‘q.
Ma'lumot uchun, Jervonta Devis uch vazn toifasida chempionlikni qo‘lga kiritgan va professional faoliyatidagi eng mashhur bokschilardan biri hisoblanadi. Agar u Zuffa Boxing bilan shartnoma imzolasa, promoushen tarixidagi eng yirik transferlardan biri bo‘lishi mumkin.
Nasrullo Karimov
Jurnalist