Bokschilarimiz uchun yangi baza qurish loyihasi muhokama qilindi

Sport vazirligi va Milliy Olimpiya qo‘mitasi rahbariyati bugun Toshkent viloyatida joylashgan “Yangiobod” sport bazasiga tashrif buyurdi. Unda boks bo‘yicha terma jamoalar uchun mo‘ljallangan yangi inshootlar va infratuzilma ob’ektlari ko‘zdan kechirildi.

Mamlakat boks federatsiyasi mutasaddilari yangi baza uchun ajratilgan maydon, uning bosqichma-bosqich qurilish rejasi hamda foydalanishga topshirilgan taqdirda mavjud imkoniyatlarning kengayishi haqida batafsil ma’lumot berishdi.

Rasmiylar mazkur sport bazasining barpo etilishi terma jamoalarning professional tayyorgarligini kuchaytirishga, yosh sportchilarning malakasini oshirishga xizmat qilishini ta’kidlashdi.

Roziqjon Sultonmurodov

Jurnalist