Boks. To‘rabek Habibullayev chempion, Shaxzod Muzaffarovda esa kumush
Armanistonning Yerevan shahrida tashkil etilgan, “Yerevan Mayor Cup” turniri yakunlandi.
photo: boks Uzbekistan
To‘rabek Habibullayev chempion!
Armanistonning Yerevan shahrida tashkil etilgan, “Yerevan Mayor Cup” turniri finalida -90 kg vazn toifasidagi vakilimiz To‘rabek Habibullayev mezbonlar vakili Davit Simonyanga qarshi bahs yuritdi.
Jang 1 raunddayoq yakunlandi. To‘rabekning jigarga yo‘llagan kuchli zarbasi jang taqdirini hal qildi. Ushbu zarbadan so‘ng raqibi o‘ziga kela olmadi va To‘rabek chempionga aylandi.
Mazkur turnirda 4 nafar vakilimiz ishtirok etib, 1 oltin, 1 kumush va 2 bronza medalini qo‘lga kiritishdi.
-55 kg vaznda bo‘lib o‘tgan finalda, Shaxzod Muzaffarov mezbon Vagharshak Keyanga hakamlarning qarorlariga ko‘ra, 1:4 hisobida mag‘lub bo‘ldi.
Ibrohim Jalolov
Redaktor