boks. Osiyo o‘yinlari oldidan yurtimizdagi so‘nggi o‘quv-mashg‘ulot yig‘ini boshlandi
Osiyo o‘yinlari oldidan yurtimizdagi so‘nggi o‘quv-mashg‘ulot yig‘ini boshlandi.
23 avgust kuni Respublika Olimpiya va paralimpiya sport turlariga tayyorlash markazida erkaklar terma jamoamizning Osiyo o‘yinlari oldidan yurtimizdagi so‘nggi o‘quv-mashg‘ulot yig‘ini start oldi.
Bosh murabbiy To‘lqin Qilichev boshchiligidagi murabbiylar shtabi sportchilarning musobaqaga har tomonlama tayyorgarligini yanada mustahkamlash, texnik-taktik mahorat va jismoniy holatni yuqori cho‘qqiga olib chiqish borasida zarur ishlarni olib bormoqda.
Yig‘in davomida bokschilarning Osiyo o‘yinlarida munosib ishtirok etishi, har bir jangga puxta tayyorgarlik ko‘rishi hamda yurtimiz sharafini munosib himoya qilishi uchun barcha zarur choralar ko‘rilmoqda.
O‘quv-mashg‘ulot yig‘ini 1 sentyabrga qadar davom etadi.
