Boks. Murodjon Ahmadaliyev yaponiyalik Naoya Inouega qarshi ringga ko'tariladi
Ushbu jang14-sentyabr kuni bo'lib o'tadi.
Photo: gettyimages
Joriy yilning 14 sentyabr kuni Yaponiyaning Nagoya shahrida boks olamining yirik voqealaridan biri — professional boks oqshomi bo‘lib o‘tadi.
Ushbu jangda O‘zbekiston sharafini munosib himoya qilib kelayotgan, professional bokschi, Milliy gvardiya harbiy xizmatchisi Murodjon Ahmadaliyev ringga ko‘tariladi.
Murodjon Ahmadaliyev bu safar superengil vazn toifasida mutlaq jahon chempioni, yaponiyalik Naoya Inoue bilan to‘qnashadi. Bu jangda WBA kamari uchun majburiy da’vogar sifatida ishtirok etadigan o'zbek sportchisi besh karra chempionlik kamarini qo‘lga kiritish uchun kurash olib boradi.
Ushbu oqshom, boks tarixidagi eng yirik va murosasiz janglardan biri bo‘lishi kutilmoqda.
Mazkur boks oqshomi 14 sentyabr kuni 13:00 da bo‘lib o‘tadi.
Ibrohim Jalolov
Redaktor