Aleksandr Usik «Usyk17» promouterlik kompaniyasini qayta tikladi
Og‘ir vazn toifasida WBA, WBC, IBF va IBO yoʻnalishi bo‘yicha amaldagi mutloq jahon chempioni, mag‘lubiyatsiz Aleksandr Usik o‘zining «Usyk17» promouterlik kompaniyasi faoliyati qayta tiklanishini ma’lum qildi.
Kompaniya joriy bahorda Kiyevda yirik boks kechasini o‘tkazishni rejalashtirmoqda.
«Usyk17 qaytmoqda. Shu bahorda Kiyevda katta turnir o‘tkazmoqchimiz, uning sanasini birozdan keyin e’lon qilamiz. Unda faqat ukrainalik yosh va istiqbolli bokschilar ishtirok etishadi. Biz bu yigitlarga o‘z maqsadlariga erishishda yordam beramiz. Mamlakatimizda yangi chempionlar yetishib chiqishi uchun qo‘limizdan kelgan barcha ishni qilamiz», — deb yozdi Usik o‘z ijtimoiy tarmoqlarida.
Kompaniya bilan ilk shartnomalarni imzolash va bo‘lajak tadbirlarning rasmiy anonslari fevral oyi oxirida kutilmoqda.
