5 aprel kuni Braziliyada o'tayotgan Jahon Kubogi doirasida o'zbekistonlik bokschilar ishtirokida yarim final janglari bo'lib o'tdi
5 aprel tunda Jahon Kubogida uch nafar o'zbekistonlik sportchi ringga chiqdi.
-55 kg vazn toifasida Mirazizbek Mirzaholilov (O'zbekiston) Gvatemalalik Xose Felip ega qarshi jang o'tkazdi. Ushbu jangda o'zbekistonlik bokschi mutlaq ustunlik ko'rsatib, 5:0 hisobida g'alaba qozondi va musobaqa finaliga yo'l oldi.
Yana bir yarim final jangda -80 kg vaznda Javohir Ummataliyev (O'zbekiston) Qozog'istonlik Dias Moljigitov ga qarshi jang qildi. O'zbek bokschisi katta qiyinchiliksiz raqibini mag'lub etib, 5:0 hisobida finalga chiqdi.
O'zbekiston uchun uchinchi yarim final -85 kg vazn toifasida Akmaljon Isroilov (O'zbekiston) va Yakub Strashevski (Polsha) o'rtasida kechdi. Bu jangda ham o'zbekistonlik bokschi ishonchli g'alabaga erishib, 5:0 hisobida finalga yo'l oldi. Akmaljon Isroilov Jahon Kubogi finalida.
