2-aprel kuni Oʻzbekiston bokschilarining Jahon kubogidagi jang natijalari
2-apreldan 3-aprelga oʻtar kechasi Braziliyada oʻtayotgan Jahon kubogida Oʻzbekiston sportchilari ishtirokida toʻrtta jang boʻlib oʻtdi.
Ringga tushgan bokschilar:
-55 kg: Mirazizbek Mirzaxalilov (Oʻzbekiston) – Nikolay Pavlik (Polsha)
-70 kg: Ikboljon Xoldarov (Oʻzbekiston) – Odel Kamara (Angliya)
-65 kg: Asadxoja Moydinxojaev (Oʻzbekiston) – Yuriy Reys (Braziliya)
-80 kg: Jasur Ummataliyev (Oʻzbekiston) – Robbi Gonsales (AQSh)
55 kg vazn toifasida Mirazizbek Mirzaxalilov Polshalik raqibini ishonchli tarzda 5:0 ыhisobida magʻlub etdi. 70 kg vaznda, afsuski, Oʻzbekiston vakili Angliya bokschisini yenga olmadi. Hakamlar qarori bilan gʻalaba Odel Kamara foydasiga hal bo’ldi. 65 kg vazn toifasida Asadxoja Moydinxojaev qiyin kechgan jangda Braziliyalik raqibiga 2:3 hisobida yutqazdi.
80 kg vaznda esa Jasur Ummataliyev keskin kurashda AQSh bokschisini minimal farq bilan 3:2 hisobida magʻlub etdi.
