O‘zbekiston yosh shaxmatchilari Jahon chempionatida umumjamoa hisobida 1-o‘rinni egalladi
O‘zbekiston terma jamoasi musobaqada yuqori natija qayd etib, jami 12 ta medalni qo‘lga kiritdi.
Maqolalar
Sports24.uz'ni Google'ga qo'shish
Фото: Chess Uzbekistan
Joriy yilning, 16–21 dekabr kunlari Turkiyaning Antaliya shahrida shaxmat bo‘yicha 9–17 yoshgacha bo‘lgan o‘g‘il bolalar va qizlar o‘rtasida rapid va blits yo‘nalishlari bo‘yicha Jahon chempionati yakunlandi.
O‘zbekiston terma jamoasi musobaqada yuqori natija qayd etib, jami 12 ta medalni qo‘lga kiritdi:
— 5 ta oltin
— 2 ta kumush
— 5 ta bronza
Ushbu natija bilan terma jamoamiz umumjamoa hisobida 1-o‘rinni egalladi.
Ikkinchi o‘rin musobaqa mezboni Turkiya terma jamoasiga nasib etdi (8 ta medal). Kuchli uchlikni FIDE jamoasi 6 ta medal bilan yakunladi.
Roziqjon Sultonmurodov
Jurnalist