Fransiya JCH-2026da g‘alaba qozona olmaydimi? «Oltin to‘p la'nati» haqida
Futbolda «Oltin to‘p» har doim eng nufuzli individual mukofot hisoblanadi. Biroq qiziq paradoks bor: ushbu sovrinni qo‘lga kiritgan amaldagi sohiblari hech qachon jahon chempionatida g‘olib bo‘lmagan.
Bu esa Fransiya milliy terma jamoasi uchun yomon signal sifatida baholanmoqda.
«Oltin to‘p» 1956 yildan beri topshirib kelinadi va shu vaqt ichida o‘tkazilgan 17 ta jahon chempionatida birorta ham amaldagi sohib jahon chempioni bo‘la olmagan. Bu holatni ko‘pchilik «la'nat» deb atashga o‘rganib qolgan.
1958–1982 yillar: la'nat boshlanishi
1958 — Alfredo Di Stefano (Ispaniya) — saralashdan o‘ta olmadi
1962 — Omar Sivori (Italiya) — guruhdan chiqa olmadi
1966 — Eusebio (Portugaliya) — 3-o‘rin
1970 — Gianni Rivera (Italiya) — 2-o‘rin
1974 — Yoxan Kroyff (Niderlandiya) — 2-o‘rin
1978 — Allan Simonsen (Daniya) — saralashdan o‘ta olmadi
1982 — Karl-Xaynts Rummenigge (GFR) — 2-o‘rin
1986 — Mishel Platini (Fransiya)
Yevropa chempioni sifatida JCHga kelgan Platini pley-offda o‘zini ko‘rsatdi, ammo yarim finalda mag‘lubiyatga uchrab, faqat bronza bilan cheklangan.
1990 — Marko van Basten (Niderlandiya)
Yevropa chempioni sifatida kelgan jamoa kutilgan natijani ko‘rsata olmadi. Van Basten turnirda gol ura olmadi.
1994 — Roberto Bajjo (Italiya)
Pley-off qahramoni bo‘lgan Bajjo finalda penaltidan xato qilib, jamoasini chempionlikdan mahrum qildi.
1998 — Ronaldu Nazario (Braziliya)
Fenomen finalgacha yetdi, ammo hal qiluvchi o‘yinda kuchsiz o‘ynadi va Braziliya Fransiyaga 0:3 hisobida mag‘lub bo‘ldi.
«Oltin to‘p la'nati» davom etadimi? (2002–2026)
2002 — Maykl Ouen (Angliya)
Maykl Ouen nomi tilga olinganda, ko‘pchilik 1998 yilgi JCHda Argentinaga qarshi bahsda urgani afsonaviy golini eslaydi. O‘sha paytda 18 yoshli hujumchi markazdan to‘pni olib, himoyachilarni aldab o‘tib, darvozaga ajoyib zarba bergandi.
2001 yilda u «Oltin to‘p»ni qo‘lga kiritdi va “Liverpul” bilan muvaffaqiyatli mavsum o‘tkazdi. Ammo JCH-2002da Angliya yana omadli bo‘lmadi. Guruhda Ouen gol ura olmadi, pley-offda esa ochildi: Daniyaga va Braziliyaga gol urdi. Biroq keyin Ronaldino sahnaga chiqdi — assist va ajoyib jarima to‘pi bilan o‘yinni hal qildi. Angliya chorak finalda to‘xtadi.
2006 — Ronaldino (Braziliya)
2005 yilda «Oltin to‘p» sohibi bo‘lgan Ronaldino JCHga favorit sifatida keldi. U “Barselona” bilan Chempionlar ligasini yutib kelgan edi.
Biroq Germaniyadagi turnirda u 5 o‘yinda birorta ham gol ura olmadi. Braziliya guruhdan oson o‘tdi, ammo chorak finalda Zinedin Zidan boshchiligidagi Fransiyaga 0:1 hisobida mag‘lub bo‘ldi.
2010 — Lionel Messi (Argentina)
2009 yilda birinchi «Oltin to‘p»ini olgan Messi JCH-2010ga katta forma bilan keldi. Uning “Barselona” bilan trebl qilgani hammani hayratda qoldirgandi.
Biroq Diego Maradona boshqaruvidagi Argentina chorak finalda Germaniyadan 0:4 hisobida mag‘lub bo‘ldi. Messi turnirni golsiz yakunladi.
2014 va 2018 — Krishtianu Ronaldu (Portugaliya)
2014 yilda Ronaldu «Oltin to‘p» sohibi sifatida JCHga keldi. Biroq Portugaliya guruhdan chiqa olmadi — Germaniyadan 0:4 mag‘lubiyat hal qiluvchi bo‘ldi.
2018 yilda esa u ajoyib boshladi — Ispaniyaga qarshi xet-trik. Biroq jamoa 1/8 finalda Urugvayga yutqazib, turnirni tark etdi.
2022 — Karim Benzema (Fransiya)
/i/l/i/17820458121510639202.jpg)
2022 yilda «Oltin to‘p» sohibi bo‘lgan Benzema JCHda umuman ishtirok etmadi. Turnir oldidan jarohat oldi va Fransiya terma jamoasi lagerini tark etdi. Fransiya finalgacha yetib bordi, ammo chempion bo‘la olmadi.
2026 — Usmon Dembele (Fransiya)
/i/f/w/1782046006952646704.jpg)
Har bir Jahon chempionati — bu «la'nat»ni bekor qilish uchun yangi imkoniyat. Fransiya yana asosiy favoritlardan biri.
Biroq savol ochiq qolmoqda: Dembele «Oltin to‘p la'nati»ni yo‘q qila oladimi yoki bu an'ana yana davom etadimi?
