Жаҳоннинг тўртинчи ракеткаси Жессика Пегула АҚШдаги титулни камбэги орқали қўлга киритди
Расм: gettyimages.com Жессика Пегула
Обрўли WTA 500 турнири 29 мартдан 6 апрелгача АҚШнинг Чарлстон шаҳрида бўлиб ўтди ва Жессика Пегула ғалабаси билан якунланди. Америкалик теннис маликаси ҳал қилувчи финалда ўз юртдоши — рейтингда 44-ўринда турган София Кенинга қарши ўйнаб, ажойиб камбэк амалга оширди. Иккинчи сетда 1:5 ҳисобида ютқазиб қўйган Жессика кетма-кет олти гейм ютиб, сет ва ўйинни ўз фойдасига якунлади. София Кенинда сетни ёпиш учун уч имконият бўлган, аммо улардан фойдалана олмади. Учрашув 6:3, 7:5 ҳисобида якунланди, умумий давомийлиги — 1 соат 26 дақиқа.
Пегула учта эйс зарба йўллади, Кенин эса битта. Лекин Софиядаги икки карра хатолар сони ундан анча кўп — олтитага иккита. Брэйклар бўйича устунлик ҳам чемпионка томонида: еттига тўрт.
Бакрадзе Иман
Редактор