Ҳумоюн Султонов Загребда чемпион бўлди!

Ўзбекистонлик теннисчи Ҳумоюн Султонов Хорватияда ўтказилган ITF M25 Zagreb турнирида ғолибликни қўлга киритди.

Ҳамюртимиз мусобақа давомида кучли рақибларни мағлуб этди. Чорак финалда у турнирнинг 4-рақамли сараланган теннисчиси, австриялик Сандру Коргер устидан ғалаба қозонди.

Ярим финалда эса Ҳумоюн турнирнинг 1-рақамли сараланган теннисчиси, Шимолий Македония вакили Олег Приходкони 6:3, 6:1 ҳисобида мағлуб этди. Таъкидлаш жоиз, Приходко тажрибали теннисчи бўлиб, ATP рейтингида Ҳумоюндан юқорироқ ўринда туради.

Финал баҳсида Султонов яна бир Шимолий Македония вакили Калин Ивановскига қарши кортга чиқди ва 6:4, 6:4 ҳисобида ғалаба қозониб, чемпионликни расмийлаштирди.

Табриклаймиз, Ҳумоюн!

Иброҳим Жалолов

Редактор

0 0 0 0 0 0