Теннис. WTA Finals чемпионни янгилайди. Даъвогарлар – белоруслик Соболенко ва қозоғистонлик Рыбакина.
WTA Finals чемпионни янгилайди. Даъвогарлар – белоруслик Соболенко ва қозоғистонлик Рыбакина. Ҳар иккаласи жуда қийин ярим финал жангларини ўтказишди. Уч сетлик рақобатда рақибалари устидан ғалаба қозонган Арина ва Елена илк бор йилнинг якуний мусобақасида зафар қучиши мумкин.
Рыбакина ҳамда Пегула ўзаро учрашувларида кичик устунлик АҚШлик теннисчи томонида эди – 3:2. WTA Finalsнинг биринчи сета ҳам Жессиканинг фойдасига ҳал бўлгач, кўпчилик Пегуланинг ғалабасига шубҳа қилмаётганди. Аммо Елена ирода кўрсатди. Қолган икки сетда рақибасига имконият бермади.
Арина Соболенко ҳамда Аманда Анисимовалар эса 2025 йилнинг ўзида тўртинчи марта тўқнаш келишди. Roland Garros ҳамда US Openда белоруслик теннисчи ғалаба қозонган бўлса, Уимблдонда Аманаданинг қўли баланд келган эди. Йилнинг якуний турнири ярим финал баҳси ҳам жуда муросасиз кечиб, унда Соболенко учта сетда зафар қучди.
2025 WTA Finals
Яккалик. Ярим финал
Пегула – Рыбакина🇰🇿 – 64 46 36
Соболенко – Анисимова🇺🇸 – 63 36 63
