Теннис. Мадрид турнири Жокович учун якунланди
Фото: Getty Images
Сербиялик теннисчи Новак Жокович Мадриддаги мусобақани тарк этди.
Жокович турнирнинг 2-босқичида италиялик Маттео Арналдига ютқазиб қўйди. Баҳс икки сетда 3:6, 4:6 ҳисоби билан якунланди.
Маълумот учун, Жокович 2018 йилдан сўнг илк бор қумли кортларда қаторасига икки ўйинни ютқазди. У аввалроқ Монте-Карло турнирини ҳам илк беллашувдаёқ тарк этганди. Новак ўша турнирда Алехандро Табилога имкониятни бой бериб қўйганди.
Розикжон Султонмуродов
Журналист