Синнер уч ойлик дисквалификациядан кейин илк ўйинини «Рим» ва «уй» ёзувлари туширилган янги кроссовкаларда ўтайди
Теннис
Бакрадзе Иман
Редактор
Расм: gettyimages.com
Жаҳоннинг биринчи ракеткаси, италиялик теннисчи Янник Синнер Римдаги грунтда ўтадиган «Мастерс» турнирида Nike Zoom GP Challenge 1 моделдаги янги кроссовкаларда иштирок этади. Бу пойабзалнинг ён томонларида «Рим» ва «уй» деган ёзувлар мавжуд.
Бугун, 10 май куни, Синнер уч ойлик дисквалификациядан сўнг илк расмий учрашувини ўтказади. ATP рейтинги етакчиси Римдаги «Мастерс» турнирининг иккинчи босқичида дунёнинг 99-ракеткаси, аргентиналик Мариано Навонега қарши кортга чиқади. Навоне мусобақанинг илк босқичида италиялик Федерико Чинуни 6:3, 6:3 ҳисобида мағлуб этганди. Учрашув Тошкент вақти билан соат 22:00дан эрта бўлмаган вақтда бошланади.
