Новак Жокович ва Энди Маррей мураббийлик ҳамкорлигини якунлашди
Расм: gettyimages.com
«Катта дубулғалар» турнирларининг 24 карра ғолиби, сербиялик теннисчи Новак Жокович ҳамда мэйжор турнирларни уч бор ютган британ спортчиси Энди Маррей мураббийлик ҳамкорлигини якунлашди.
«Ташаккур, мураббий Энди, сўнгги олти ой ичида кортда ва ундан ташқарида қилган меҳнатинг, қўллаб-қувватловинг ва қизиқарли вақтлар учун. Биз дўстлигимизни янада мустаҳкамлаганимиздан жуда мамнунман», — деб ёзди Жокович ижтимоий тармоқдаги X саҳифасида.
2024 йил ноябрида Жокович 2025 йилда айрим турнирларда Энди Маррей раҳбарлигида иштирок этиши маълум бўлган эди. Бошида ҳамкорлик Australian Open – 2025 мусобақасигача давом этиши режалаштирилган эди.
Бакрадзе Иман
Редактор