Мария Тимофеева Мерида шаҳрида ўтаётган WTA 500 турнирининг асосий тўрига йўл олди

Мария Тимофеева Мерида шаҳрида ўтаётган WTA 500 турнирининг асосий тўрига йўл олди.

Ўзбекистонлик теннисчи Мария Тимофеева Мексиканинг Юкатан штати Мерида шаҳрида ўтаётган WTA 500 тоифасидаги турнирининг асосий тўрига чиқди.

Мария асосий тўрига чиқиш учун ҳал қилувчи баҳсда ғалаба қозонди. У яна бир аргентиналик теннисчи Мария Лурдес Карлени икки сетда бир хил ҳисобда мағлуб этди — 6-3, 6-3.

Асосий тўрнинг биринчи даврасида Мария Тимофеева польшалик теннисчи Магдалена Фрекка қарши кортга чиқади. Фрек ҳозирда жаҳон рейтингида 57-ўринни эгаллаб турибди. Тимофеева — Фрек учрашуви бизнинг вақт билан эртага соат 21:00да бошланади.

Иброҳим Жалолов

Редактор