Мария Тимофеева Хорватиядаги WTA125 турнирида ғалаба қозонди
Бу ҳақда Миллий Олимпия қўмитаси матбуот хизмати хабар берди.
Фото: Olympic.uz
Хорватиянинг Макарска шаҳрида теннис бўйича WTA125 таснифига кирувчи мусобақа ўтказилди.
Унда иштирок этган Ўзбекистон терма жамоаси аъзоси Мария Тимофеева бош совринни қўлга киритди.
Юртдошимиз финал баҳсида латвиялик Дария Семенистаяни 6:2, 6:3 ҳисобларида мағлубиятга учратиришга эришди.
Ушбу ғалабадан кейин очколарини 125 тага кўпайтириб олган теннисчимиз жаҳон тасниф жадвалида 27 поғона юқорилаб, 91-ўринга кўтарилиб олди.
