Billie Jean King Cup: Ўзбекистон терма жамоаси мусобақани Шри-Ланкага қарши бошлайди
15 июн куни Ўзбекистон терма жамоаси мусобақадаги илк учрашувини Шри-Ланка жамоасига қарши ўтказади.
photo: gettyimages
15–21 июн кунлари Малайзиянинг Куала-Лумпур шаҳрида Billie Jean King Cup by Gainbridge мусобақасининг Осиё/Океания минтақаси II гуруҳи баҳслари бўлиб ўтади.
Қуръа натижасига кўра, Ўзбекистон аёллар терма жамоаси B гуруҳидан жой олди. Гуруҳдаги рақиблар — Малайзия, Хитой Тайпейи, Лаос ва Шри-Ланка терма жамоалари.
15 июн куни Ўзбекистон терма жамоаси мусобақадаги илк учрашувини Шри-Ланка жамоасига қарши ўтказади.
Мамлакатимиз шарафини мусобақада Севил Юлдашева, Нигина Аллиимова, Фотима Маҳмудова ва Кейра Ким ҳимоя қилади. Жамоа сардори — Акгул Аманмурадова.
Терма жамоамизга бўлажак учрашувларда омад, ишонч ва ёрқин ғалабалар тилаймиз!
Иброҳим Жалолов
Редактор