ATP рейтинги: Ўзбекистонлик теннисчиларнинг натижалари ёмонлашди, Топ-10’да икки алмашинуви
21 июл куни Профессионал теннисчилар ассоциацияси (ATP) томонидан ҳафталик янгиланган рейтинг эълон қилинди. Унга кўра, бу ҳафта Ўзбекистон номидан 7 нафар теннисчи жаҳон рейтингида қайд этилди. Улар орасидан фақат Максим Шин 2, Амир Милушев эса 1 ўрин юқорилаган. Қолган теннисчиларимиз пастга тушишди.
Энг яхши натижага эга теннисчимиз Ҳумоюн Султонов 3 поғона пастлаб, 10 очко йўқотди. Сергей Фомин эса 7 ўринга тушиб, 5 очкодан ажралиб қолди. Абдулазиз Усмонжонов, Дамир Абдусамадов ва Ботир Сапаев ҳам бир поғоналик пасайишни қайд этди.
Жаҳон рейтингида Топ-10 ичида икки алмашинув кузатилди.
Тэйлор Фриц Жек Дрэйперни ортда қолдирди, Бен Шелтон эса Холгер Рунедан юқори ўринга кўтарилди. Яна бир бор, Янник Синнер катта фарқ билан етакчилигини сақлаб қолмоқда. Иккинчи ва учинчи ўринларни мос равишда Карлос Алкарас ва Александр Зверев эгаллаб турибди.
ATP рейтинги – 2025 йил 21 июль ҳолатига кўра Топ-10:
1. (1) Янник Синнер (Италия) – 12030
2. (2) Карлос Алкарас (Испания) – 8600
3. (3) Александр Зверев (Германия) – 6030
4. (5) Тэйлор Фриц (АҚШ) – 5035
5. (4) Жек Дрэйпер (Буюк Британия) – 4650
6. (6) Новак Жокович (Сербия) – 4130
7. (7) Лоренцо Музетти (Италия) – 3350
8. (9) Бен Шелтон (АҚШ) – 3330
9. (8) Холгер Руне (Дания) – 3250
10. (10) Андрей Рублёв (Россия) – 3160
Ўзбекистонлик теннисчиларнинг ATP рейтингидаги ҳолати:
• 268-ўрин (265) — Ҳумоюн Султонов — 201 очко (-10)
• 479-ўрин (472) — Сергей Фомин — 85 очко (-5)
• 997-ўрин (999) — Максим Шин — 14 очко (+2)
• 1325T-ўрин (1326) — Амир Милушев — 5 очко (+1)
• 1772T-ўрин (1771T) — Ботир Сапаев — 1 очко (-1)
• 1871T-ўрин (1869T) — Абдулазиз Усмонжонов — 1 очко (-1)
• 1967T-ўрин (1966T) — Дамир Абдусамадов — 1 очко (-1)
