Полина Кудерметова Ningbo Open турнирининг иккинчи даврасига чиқди</h1> <article> <h1>Полина Кудерметова Ningbo Open турнирининг иккинчи даврасига чиқди</h1> <p>Tue, 20 Oct 2026 22:00:00 +0500</p> <p>Полина Кудерметова Ningbo Open турнирининг иккинчи даврасига чиқдиЎзбекистон вакили биринчи даврада испаниялик Кристина Букшани 7:6 (тай-брейкда 7:5), 6:2 ҳисобида мағлуб этди. Букша айни пайтда WTA рейтингида 38-ўринда, унинг фаолиятидаги энг яхши натижа эса 30-ўрин бўлган.Энди Полина турнирнинг биринчи рақамли сараланган теннисчиси, дунёнинг биринчи ракеткаси Елена Рыбакина билан учрашади. Рыбакина юқори сараланганлиги сабабли биринчи даврада ўйнамади. Учрашув 22-октябрь куни бўлиб ўтиши режалаштирилган.</p> </article> <article> <h1>Ўзбекистоннинг икки нафар теннисчиси WTA 500 турнирининг асосий босқичига йўл олди</h1> <p>Mon, 19 Oct 2026 16:51:03 +0500</p> <p>Ўзбекистон аёллар теннис терма жамоаси вакиллари Камилла Раҳимова ва Полина Кудерметова Хитойнинг Нинбо шаҳрида ўтказилаётган BNB Ningbo Open турнирининг асосий босқичига йўлланма олди. Ҳамюртларимиз WTA 500 тоифасидаги нуфузли мусобақанинг саралаш баҳсларида муваффақиятли иштирок этиб, кучли теннисчилар қаторида курашни давом эттириш ҳуқуқини қўлга киритди. Бу ҳақда Ўзбекистон Миллий олимпия қўмитаси хабар бермоқда.</p><p>Манбага кўра, Камилла Раҳимова саралашнинг дастлабки босқичида украиналик Даяна Ястремскани 6:2, 6:4 ҳисобида мағлуб этди. Ҳал қилувчи баҳсда эса россиялик Татьяна Прозоровага қарши майдонга чиқди. Икки соатдан кўпроқ давом этган учрашувда Раҳимова биринчи сетни тай-брекда 7:6 ҳисобида ютди. Иккинчи сетда 4:6 ҳисобида имкониятни бой берган ўзбекистонлик теннисчи ҳал қилувчи сетда 6:4 ҳисобида устун келиб, асосий босқич йўлланмасини қўлга киритди. Полина Кудерметова эса саралашнинг биринчи даврасида таиландлик Мананчайя Савангкаевни 6:3, 6:4 ҳисобида енгди. Кейинги босқичда россиялик Анастасия Захаровага қарши учрашувни ҳам 6:3, 6:3 ҳисобида ўз фойдасига ҳал қилди.</p><p>Асосий босқичда ўзбекистонлик теннисчиларни кучли рақиблар кутмоқда. Камилла Раҳимова 19-октябрь куни чехиялик Мария Боузковага қарши кортга чиқиши белгиланган. Полина Кудерметова эса 20-октябрь куни испаниялик Кристина Букша билан баҳс олиб боради. Миллий олимпия қўмитаси маълумотларига кўра, саралаш якунида Раҳимова жаҳон рейтингида 69-, Кудерметова эса 102-ўринда қайд этилган. Уларнинг асосий тўрдаги рақиблари ҳам халқаро мусобақаларда катта тажрибага эга бўлиб, навбатдаги учрашувлар ҳамюртларимиз учун жиддий синов вазифасини ўтайди.</p><p>Маълумот учун, BNB Ningbo Open турнири 19–25-октябрь кунлари Хитойнинг Нинбо шаҳрида ташкил этилади. Мусобақа WTA 500 тоифасига киради ва очиқ қаттиқ қопламали кортларда ўтказилади. Яккалик баҳсларининг асосий босқичида 28 нафар теннисчи иштирок этади. Турнирнинг умумий мукофот жамғармаси 1,2 миллион АҚШ долларидан ошади. Мусобақада Ига Швёнтек, Елена Рибакина ва Белинда Бенчич каби дунёнинг етакчи теннисчилари ҳам қатнашмоқда.</p> </article> <article> <h1>Теннисчиларимиз Ningbo Open WTA турнирининг асосий даврасига йўл олишди</h1> <p>Sun, 18 Oct 2026 18:08:54 +0500</p> <p>Эртага Хитойнинг Нинбо шаҳрида теннис бўйича аёллар ўртасида WTA 500 таснифидаги BNB Ningbo Open турнири старт олади.</p><p>Ўзбекистонлик ракетка усталари Камила Раҳимова (дунё рейтингида 69-ўрин) ҳамда Полина Кудерметова (102) мусобақанинг саралаш босқичида муваффақиятли иштирок этишди ва асосий даврага йўлланма олишди. Биринчи даврада ҳамюртларимизни қуйидаги учрашувлар кутиб турибди:19-октябрь:Камила Раҳимова – Мария Бузкова (Чехия, 28);20-октябрь:Полина Кудерметова – Кристина Букша (Испания, 38).Мусобақа 25-октябрь куни ўз ниҳоясига етади.</p> </article> <article> <h1>Севил Юлдашева — ITF турнири финалчиси</h1> <p>Sun, 18 Oct 2026 09:18:38 +0500</p> <p>Севил Юлдашева — ITF турнири финалчиси.Ўзбекистонлик теннисчи Севил Юлдашева германиялик Анастасия Купарев билан биргаликда Покистоннинг Исломобод шаҳрида ўтказилган W15 Islamabad турнирининг жуфтлик баҳсларида финалга қадар етиб борди.Чорак финалда улар Флорентине Деккерс ва Эмма ван Поппел жуфтлигини 6:1, 6:1 ҳисобида мағлуб этди. Ярим финалда эса Варона ва Возуко Мдлулва жуфтлиги билан учрашув рақибларнинг майдонга чиқмагани сабабли ўтказилмади.Финалда Севил Юлдашева ва Анастасия Купарев Ру Си У ҳамда Камонван Йодпетчга 6:3, 4:6, 2:10 ҳисобида имкониятни бой берди. Шу тариқа Севил Юлдашева W15 Islamabad турнирининг жуфтлик баҳслари финалчиси бўлди.Турнир 12–18 октябрь кунлари қаттиқ қопламали кортларда ўтказилди. Мусобақанинг умумий мукофот жамғармаси — 15 000 АҚШ доллари.</p> </article> <article> <h1>Камилла Раҳимова саралашнинг иккинчи босқичига йўл олди</h1> <p>Sun, 18 Oct 2026 09:16:34 +0500</p> <p>Камилла Раҳимова саралашнинг иккинчи босқичига йўл олди.Аввалроқ Полина Кудерметованинг саралашнинг иккинчи босқичига чиққанидан хабар берган эдик. Энди BNB Ningbo Open турнирида Камилла Раҳимова ҳам шу натижани қайд этди.Ўзбекистон вакили саралашнинг биринчи босқичида украиналик Даяна Ястремскани 6:2, 6:4 ҳисобида мағлуб этди. Ястремсканинг фаолиятидаги энг яхши натижаси — 2024 йилги Australian Open турнирининг ярим финалига чиқиш.Нинбо шаҳрида ўтказилаётган BNB Ningbo Open — қаттиқ қопламали кортларда бўлиб ўтадиган WTA 500 турнири.</p> </article> <article> <h1>Ж200 Hayot Bank Cup турнирида ўзбекистонлик теннисчилар икки чемпионликни қўлга киритишди</h1> <p>Sun, 18 Oct 2026 08:52:22 +0500</p> <p>Ж200 Hayot Bank Cup турнирида ўзбекистонлик теннисчилар икки чемпионликни қўлга киритишди.Александра Бармичева қизлар ўртасидаги яккалик баҳслари финалида россиялик Татьяна Головинани 6:1, 6:0 ҳисобида мағлуб этди.Ўғил болалар ўртасидаги финалда эса Маҳмудбек Бекназаров россиялик Алексей Илинни 6:2, 6:3 ҳисобида енгиб, чемпионликни қўлга киритди.Теннисчиларимизни ажойиб натижа билан табриклаймиз.</p> </article> <article> <h1>Нинбо Open турнирида Полина Кудерметова саралашнинг иккинчи босқичига йўл олди</h1> <p>Sun, 18 Oct 2026 08:50:08 +0500</p> <p>Нинбо Open турнирида Полина Кудерметова саралашнинг иккинчи босқичига йўл олди.Ўзбекистонлик теннисчи саралашда 11-рақам остида сараланган тайландлик Мананчайя Савангкаевни 6:3, 6:4 ҳисобида мағлуб этди. Нинбо Open — WTA 500 туркумидаги турнир.</p><p>Энг сўнгги хабар ва янгиликларни sports24.uz сайти орқали кузатиб боринг.</p> </article> <article> <h1>Алан Зинатулин ва Абдураҳмон Каримов J200 Фарғона турнири чемпионлари</h1> <p>Sun, 18 Oct 2026 08:47:33 +0500</p> <p>Алан Зинатулин ва Абдураҳмон Каримов J200 Фарғона турнири чемпионлари.Ўзбекистонлик ёш теннисчилар J200 Фарғона турнирининг жуфтлик баҳсларида ғолибликни қўлга киритди. Финалда Алан Зинатулин ва Абдураҳмон Каримов мусобақанинг биринчи рақам остида сараланган Алексей Илин ва Пранеел Шарма жуфтлигига қарши кортга чиқди.Кескин кечган финал учрашувида ўзбекистонлик теннисчилар рақибларини 6:1, 7:5 ҳисобида мағлуб этиб, турнир бош совринига эга чиқди.</p> </article> <article> <h1>Фарғонадаги J200 турнирида икки нафар ўзбекистонлик финалга чиқди</h1> <p>Fri, 16 Oct 2026 22:27:13 +0500</p> <p>Фарғонадаги J200 турнирида икки нафар ўзбекистонлик финалга чиқди.ITF World Tennis Tour Juniors J200 турнирида Маҳмудбек Бекназаров ва Александра Бармичева финал йўлланмасини қўлга киритди.Ярим финалда Маҳмудбек беларуслик Иван Самстыкани 6:1, 6:3 ҳисобида мағлуб этди. Александра эса турнирнинг биринчи рақамли теннисчиси, ўсмирлар жаҳон рейтингида 80-ўринда бораётган россиялик Василиса Тарановрани 3:6, 6:1, 6:2 ҳисобида енгди.Финалда теннисчиларимизга омад тилаймиз!</p> </article> <article> <h1>Маҳмудбек Бекназаров J200 Фарғона ўсмирлар турнири ярим финалида</h1> <p>Thu, 15 Oct 2026 18:07:00 +0500</p> <p>Маҳмудбек Бекназаров J200 Фарғона ўсмирлар турнири ярим финалида.Ўзбекистонлик теннисчи чорак финалда турнирнинг биринчи рақамли иштирокчиси, ўсмирлар жаҳон рейтингида 126-ўринда бораётган Алексей Шибаевни 6:1, 6:0 ҳисобида мағлуб этди.Ярим финалда Маҳмудбекка омад тилаймиз.</p> </article> <article> <h1>Полина Кудерметова WTA рейтингида 102-ўринда</h1> <p>Thu, 15 Oct 2026 18:04:21 +0500</p> <p>Полина Кудерметова WTA рейтингида 102-ўринда.WTA рейтингининг 12 октябрь кунги янгиланишига кўра, Ўзбекистон вакили Полина Кудерметова дунёнинг 102-ракеткаси ҳисобланади. Унинг фаолиятидаги энг яхши натижа — 2025 йил апрелида қайд этилган 54-ўрин.2025 йилда Полина Брисбен шаҳрида ўтказилган WTA 500 турнирида финалга қадар етиб борди. Турнир давомида у ўша пайтда дунёнинг 9-ракеткаси бўлган Дарья Касаткина устидан ғалаба қозониб, фаолиятидаги илк Top-10 ғалабасини қўлга киритди.2026 йилда Полина WTA 125 туркумидаги Оэйраш ва Канберра турнирларида финалга қадар етиб борди. Ҳозирча у яккалик баҳсларида WTA турнирларида чемпионликни қўлга киритмаган.</p> </article> <article> <h1>Камилла Раҳимова WTA рейтингида 69-ўринда</h1> <p>Thu, 15 Oct 2026 18:01:48 +0500</p> <p>Камилла Раҳимова WTA рейтингида 69-ўринда.WTA рейтингининг 12-октабрдаги янгиланишига кўра, Ўзбекистон вакили Камилла Раҳимова дунёнинг 69-ракеткаси бўлиб турибди. Унинг яккалик баҳсларидаги энг яхши натижаси — 60-ўрин.2026 йил 7 февраль куни Камилла испаниялик Сара Соррибес Тормо билан биргаликда Клуж-Напока шаҳрида ўтказилган Transylvania Open WTA 250 турнирининг жуфтлик баҳсларида ғолиб бўлди. Финалда улар Синью Ванг ва Сайсай Чжэн жуфтлигини 7:6 (9:7), 6:3 ҳисобида мағлуб этишди.Яккалик баҳсларида Камилла WTA 125 туркумидаги Guadalajara-2024 ва Angers-2025 турнирларида ғолиб бўлган.</p> </article> <article> <h1>Мария Тимофеева — Ўзбекистоннинг биринчи ракеткаси</h1> <p>Thu, 15 Oct 2026 17:58:55 +0500</p> <p>Мария Тимофеева — Ўзбекистоннинг биринчи ракеткаси.WTA рейтинги янги янгиланишига кўра, Мария Тимофеева 63-ўринга кўтарилиб, фаолиятидаги энг яхши натижани қайд этди. Унинг аввалги энг юқори кўрсаткичи 68-ўрин эди.Мария Пекиндаги WTA 1000 турнирида саралаш босқичидан муваффақиятли ўтиб, учинчи босқичга қадар етиб борди. Ушбу натижа унга 135 рейтинг очкосини тақдим этди ва янги шахсий рекордини ўрнатишига ёрдам берди.Аввал Ўзбекистоннинг биринчи ракеткаси Камилла Раҳимова эди. Янги рейтингда Камилла 69-ўринни, Мария эса 63-ўринни эгаллади. Шу тариқа, Мария Ўзбекистон аёллар терма жамоасининг биринчи ракеткасига айланди.</p> </article> <article> <h1>Тошкентда илк бор стол тенниси бўйича Осиё чемпионати ўтказилади</h1> <p>Sun, 11 Oct 2026 23:19:51 +0500</p> <p>Тошкентда илк бор стол тенниси бўйича Осиё чемпионати ўтказилади19-25 октябрь кунлари пойтахтимиздаги “Олимпия шаҳарчаси” стол тенниси бўйича Осиё чемпионатига мезбонлик қилади. Мусобақада мазкур спорт турида катталар ўртасидаги қитъа биринчилиги мамлакатимизда илк бор ўтказилаётгани билан янада аҳамиятли.Чемпионатда 33 мамлакатдан 255 нафар спортчи иштирок этади. Регламентга кўра, беллашувлар яккалик, жуфтлик, аралаш жуфтлик ва жамоавий дастурларда ташкил қилинади. Аҳамиятлиси, жамоавий дастурда келаси йили Қозоғистонда бўлиб ўтадиган жаҳон чемпионати йўлланмалари ўйналади.Баҳсларда Ўзбекистон терма жамоасининг 10 нафар спортчиси иштирок этади. Ҳамюртларимиз 12-октябрь кунидан КХДР ва Қирғизистон терма жамоалари билан мусобақа олдидан сўнгги тайёргарлик йиғинини бошлайди.</p> </article> <article> <h1>Камилла Раҳимова Wuhan Open турнирида ишончли ғалабага эришди</h1> <p>Sun, 11 Oct 2026 23:07:51 +0500</p> <p>Камилла Раҳимова Wuhan Open турнирида ишончли ғалабага эришди.Ўзбекистон вакили Камилла Раҳимова Хитойда ўтказилаётган нуфузли WTA 1000 тоифасидаги Wuhan Open турнирининг саралаш босқичида муваффақиятли старт олди.Теннисчимиз илк учрашувда тажрибали ва номдор америкалик теннисчи София Кенинни 6:0, 6:3 ҳисобида мағлуб этди.София Кенин — 2020 йилги Australian Open чемпиони, Roland Garros 2020 финалчиси ва собиқ дунёнинг 4-ракеткаси.Камилла учрашув давомида юқори савиядаги ўйин намойиш этиб, тажрибали рақибаси устидан ишончли ғалабага эришди.Теннисчимизини ушбу ғалаба билан табриклаймиз ва кейинги учрашувларда омад тилаймиз!</p> </article> </main></body></html>