Волкановски Жастин Гэтжига қарши супер-жанг ўтказмоқчи</h1> <article> <h1>Волкановски Жастин Гэтжига қарши супер-жанг ўтказмоқчи</h1> <p>Sat, 17 Oct 2026 14:03:13 +0500</p> <p>UFCнинг ярим енгил вазн тоифасидаги чемпиони Александр Волкановски енгил вазн чемпиони Жастин Гэтжига қарши жанг ўтказиш истагини билдирди. Австралиялик спортчи мазкур тўқнашув фаолиятидаги энг йирик жанглардан бири бўлиши мумкинлигини таъкидлаб, Гэтжининг чемпионлик камари учун курашишга тайёрлигини маълум қилди. Бу ҳақда MMA Fighting нашри хабар бермоқда.Манбага кўра, Волкановски ‘‘Who The Fook Are These Guys?’’ подкастида Гэтжи билан эҳтимолий жанг ҳақида гапирган. Унинг фикрича, ҳар икки спортчи фаолиятининг якуний босқичига яқинлашмоқда ва улар ўртасидаги тўқнашув мухлислар учун катта воқеа бўлиши мумкин. ‘‘Тасаввур қилинг, Гэтжи ва мен енгил вазн чемпионлик камари учун жанг қиламиз. Бу иккаламиз учун ҳам фаолиятимизни якунлаш олдидан ажойиб супер-жанг бўларди. Шундан кейин иккала вазн тоифасида ҳам янги давр бошланиши мумкин’’, деган Волкановски.Шу билан бирга, 38 ёшли австралиялик жангчи ҳозирча бор эътиборини Мовсар Евлоевга қарши бўлажак титул ҳимоясига қаратган. Волкановски 24-октабрь куни Абу-Дабида ўтказиладиган UFC 333 турнирида мағлубиятсиз россиялик спортчига қарши октагонга чиқади. Чемпион Евлоевнинг курашдаги устунлигини зарарсизлантириб, жангни тик турган ҳолатда олиб боришга ва рақибини муддатидан олдин мағлуб этишга ишонмоқда. Гэтжи билан эҳтимолий супер-жанг эса 2027-йилда ташкил этилиши мумкин.Маълумот учун, Волкановски аввалроқ икки марта енгил вазн чемпионлик камарини қўлга киритишга уринган, бироқ ҳар иккала жангда ҳам Ислом Махачевга мағлуб бўлган. Жастин Гэтжи эса 2026-йил июнь ойида Илия Топурияни мағлуб этиб, UFCнинг енгил вазн тоифасидаги чемпионига айланган. Айни пайтда ушбу вазнда Арман Царукян ва Чарлз Оливейра каби даъвогарлар ҳам чемпионлик жанги учун курашмоқда. Ҳозирча UFC Волкановски ва Гэтжи ўртасидаги эҳтимолий тўқнашув юзасидан расмий қарор эълон қилмаган.</p> </article> <article> <h1>PFLда янги жаҳон чемпиони аниқланди — Жена Бишоп сенсацион ғалабага эришди</h1> <p>Sat, 17 Oct 2026 13:59:36 +0500</p> <p>АҚШнинг Чикаго шаҳрида ташкил этилган PFL турнирида янги жаҳон чемпиони аниқланди. Мусобақанинг марказий жангида америкалик Жена Бишоп тажрибали Лиз Кармушни мағлуб этиб, аёллар ўта енгил вазн тоифасидаги чемпионлик камарини қўлга киритди. Шу тариқа 40 ёшли Бишоп PFL тарихида ушбу вазн тоифасининг илк жаҳон чемпионига айланди. Бу ҳақда MMA Fighting нашри хабар бермоқда.Манбага кўра, беш раунд давом этган беллашувда Кармуш дастлабки раунддаёқ кучли зарбалар билан устунликка эришган. Бироқ кейинги раундларда Бишоп курашдаги маҳорати эвазига ташаббусни ўз қўлига олган. У рақибини бир неча бор партерга ўтказиб, бўғиш усуллари орқали жангни муддатидан олдин якунлашга уринган. Якунда ҳакамларнинг барчаси 48:47 ҳисобида Бишопнинг ғалабасини қайд этган.Жангдан сўнг октагонга британиялик машҳур жангчи Дакота Дитчева чиқиб, янги чемпион билан юзма-юз келди. Томонлар ўртасида қисқа мулоқот бўлиб ўтди ва келажакдаги эҳтимолий чемпионлик жанги муҳокама қилинди. Дитчева 2024 йилда Бишопни мағлуб этган бўлиб, энди ундан навбатдаги ғалабани қўлга киритишни мақсад қилмоқда. Уларнинг чемпионлик камари учун реванш жанги 2027 йилда ташкил этилиши мумкин.Маълумот учун, Бишоп ва Кармуш аввал 2025 йил август ойида PFL турнири финалида тўқнаш келган. Ўшанда Кармуш учинчи раундда техник нокаут эвазига ғалаба қозонган эди. Бу сафар Бишоп реванш олиш билан бирга, фаолиятидаги илк йирик чемпионлик камарига ҳам эга чиқди. Энди унинг профессионал MMA рекорди 12 та ғалаба ва 3 та мағлубиятни ташкил этмоқда. Кармуш ҳисобида эса 26 та ғалаба ва 9 та мағлубият мавжуд.</p> </article> <article> <h1>Сарваржон Ҳамидов PFL турнирида рақибини биринчи раунддаёқ нокаут қилди</h1> <p>Sat, 17 Oct 2026 13:56:33 +0500</p> <p>Тожикистонлик MMA жангчиси Сарваржон Ҳамидов АҚШнинг Чикаго шаҳрида ташкил этилган PFL турнирида навбатдаги ғалабасини қўлга киритди. 29 ёшли спортчи бразилиялик Рафаэл ду Насиментуга қарши жангда рақибини биринчи раунддаёқ нокаутга учратди. Шу тариқа Ҳамидов профессионал фаолиятидаги 18-ғалабасини қайд этди. Бу ҳақда MMA Junkie нашри хабар бермоқда.Манбага кўра, 16-октабр куни ‘‘Wintrust Arena’’да бўлиб ўтган жанг ўта енгил вазн тоифасида ташкил этилган. Беллашув бошидanoq Ҳамидов фаол ҳаракат қилиб, рақибига босим ўтказган. Биринчи раунднинг 1:49-дақиқасида тожикистонлик жангчи чап қўлда аниқ зарба йўллаб, бразилиялик рақибини нокдаунга учратган. Шундан сўнг Ҳамидов партерда кетма-кет зарбалар беришни давом эттирган ва ҳакам жангни муддатидан олдин тўхтатишга мажбур бўлган.Ушбу ғалаба Ҳамидов учун кетма-кет иккинчи муваффақият бўлди. Жангчи 2025-йилда Магомед Магомедовга қарши баҳсда профессионал фаолиятидаги илк мағлубиятини қабул қилган эди. Шундан сўнг у америкалик Жастин Ветселлни бўғиш усули билан мағлуб этиб, ғалабали йўлга қайтган. Бразилиялик Рафаэл ду Насименто эса ушбу жангга қадар кетма-кет тўртта ғалабани қўлга киритган бўлиб, Ҳамидов унинг муваффақиятли сериясига нуқта қўйди.Маълумот учун, Сарваржон Ҳамидов профессионал MMA фаолиятида 19 та жанг ўтказиб, 18 ғалаба ва битта мағлубият қайд этган. У олтита жангни нокаут, бештасини сабмишен ва еттитасини ҳакамлар қарори билан якунлаган. Душанбеcдаги ‘‘55 Spirit’’ клубида тайёргарлик кўрадиган спортчи PFLнинг ўта енгил вазн рейтингида олтинчи ўринни эгаллаб келмоқда. Ҳозирча унинг навбатдаги рақиби ва жанг санаси эълон қилинмаган.</p> </article> <article> <h1>Ikki yillik tanaffusdan keyin Diyora Keldiyorova tatamiga qaytmoqda</h1> <p>Sat, 17 Oct 2026 10:05:00 +0500</p> <p>Бугун Қозоғистоннинг Актау шаҳрида дзюдо бўйича “Aktau Asian Open 2026” турнири бошланади. Аҳамиятлиси, мазкур мусобақада 2 йиллик танаффусдан кейин Париж-2024 ёзги Олимпия ўйинлари чемпиони Диёра Келдиёрова ҳам иштирок этади.Ҳамюртимиз аввалгидек -52 кг вазн тоифасида татамига чиқади. Шунингдек, 18-октябрь куни якунланадиган мазкур турнирда жами 25 нафар ўзбекистонлик спортчи медаллар учун кураш олиб боради.</p> </article> <article> <h1>Дзюдо. Тошкентда “Judo Sport Clubs Stars” халқаро турнири бошланди</h1> <p>Fri, 16 Oct 2026 22:44:27 +0500</p> <p>Тошкентда “Judo Sport Clubs Stars” халқаро турнири бошландиПойтахтимиздаги Олимпия шаҳарчасида Ўзбекистон, Қозоғистон, Қирғиз Республикаси, Тожикистон, Озарбайжон ва Беларусдан келган икки мингга яқин ёш дзюдочиларни бирлаштирган “Judo Sport Clubs Stars” халқаро турнири бўлиб ўтмоқда.Мусобақанинг биринчи куни қизлар ўз ёш ва вазн тоифаларида ғолиблик учун баҳс олиб боришяпти. Ҳар йили ўтказиб келинаётган ушбу турнир болалар дзюдосини оммалаштириш, ёш спортчиларнинг маҳоратини ошириш ва клуб тизимини ривожлантириш мақсадида ташкил этилади.Мусобақа, шунингдек, халқаро спорт алоқаларини мустаҳкамлаш ва истиқболли дзюдочиларни саралаб олишга хизмат қилади. Турнирнинг ўтказилиши Ўзбекистон Республикаси Президенти Шавкат Мирзиёевнинг дзюдони янада ривожлантириш, жумладан, ушбу спорт турини оммалаштириш ва ёш спорт захирасини тайёрлашни такомиллаштириш чора-тадбирлари тўғрисидаги қарорida белгиланган вазифаларни амалга оширишга кўмаклашади.Мусобақанинг соврин жамғармаси унга алоҳида қизиқиш уйғотмоқда. Ўзбекистон дзюдо федерацияси раиси Азизжон Камилов ташаббуси билан турнирнинг бош совринлари сифатида иккита автомобиль қўйилди. Улардан бири жамоавий баҳсларда ғолиб чиққан жамоага, иккинчиси эса “Энг яхши спортчи” номинацияси ғолибига топширилади.</p> </article> <article> <h1>Дзюдо. «Сэнсэй» («Устоз») китоби тақдимоти ўтказилди</h1> <p>Fri, 16 Oct 2026 22:40:30 +0500</p> <p>Лаша Гуджеджиани қаламига мансуб «Сэнсэй» («Устоз») китобининг тақдимоти ўтказилдиДзюдо бўйича Ўзбекистон терма жамоаси бош мураббийи Лаша Гуджеджиани нафақат мураббийлик, балки илмий жиҳатдан ҳам ўзини намоён этмоқда. Грузия пойтахти Тбилиси шаҳрида у томонидан ёзилган «Сэнсэй» («Устоз») номли китобнинг тақдимоти ўтказилди. Унда мураббийнинг дўстлари, яқинлари, шогирдлари, кенг спорт жамоатчилиги ҳамда оммавий ахборот воситалари ходимлари иштирок этди. Ушбу китоб ёш дзюдочилар учун манфаатли бўлиб, Лаша Гуджеджианининг спортдаги ҳаёт йўли, спорт психологияси, спортчиларни ёшликдан психологик жиҳатдан тўғри тайёрлаш каби мавзуларни қамраб олди.Китобда Гуджежиани дзюдодаги кўп йиллик тажрибасини умумлаштириб, спортчиларнинг илк босқичлардаги психологик тайёргарлигига алоҳида урғу беради. Муаллиф психологик ҳолатни шакллантириш, ёш дзюдочилар билан ишлаш усуллари ва мураббийнинг спортчи шахсини тарбиялашдаги ўрнини таҳлил қилади.Тбилисидаги тадбирда терма жамоа менежери Асад Зокиржонов ҳамда терма жамоамиз сардори, Олимпия ўйинлари совриндори, жаҳон чемпиони Давлат Бобонов ҳам иштирок этди.</p> </article> <article> <h1>Диёра Келдиёрова иштирок этадиган Aktau Asian Open 2026 турнирига қуръа ташланди</h1> <p>Fri, 16 Oct 2026 22:37:51 +0500</p> <p>Диёра Келдиёрова иштирок этадиган Aktau Asian Open 2026 турнирига қуръа ташланди17–18 октябрь кунлари Қозоғистоннинг Актау шаҳрида дзюдо бўйича Aktau Asian Open 2026 турнири бўлиб ўтади. Аввал хабар берганимиздек, айнан шу мусобақада икки ярим йиллик танаффусдан сўнг Париж-2024 Олимпиадаси чемпиони Диёра Келдиёрова иштирок этади. Ҳамюртдошимиз учун бу Олимпия ўйинларидан кейинги илк турнир бўлади. Келдиёрова Aktau Asian Open 2026 мусобақасининг энг юлдузли иштирокчиси бўлиб, амалдаги Олимпиада чемпиони сифатида тилла ранг ёзувли кимонода татамига чиқади. Қуръа натижасига кўра, Диёра ўз иштирокини тўғридан-тўғри иккинчи босқичда қозоғистонлик Нурайлим Сарсенбекка қарши учрашув билан бошлайди. Умуман олганда, Актау турнирида 7 давлатнинг жами 182 нафар дзюдочиси медаллар учун баҳсларга киришади. Улар орасида ўзбекистонлик 25 нафар дзюдочи ҳам бор.</p> </article> <article> <h1>FEI от спортининг от йўртиш (виездка) тестларига 2027 йил 1 январдан кучга кирадиган ўзгаришлар</h1> <p>Fri, 16 Oct 2026 22:22:43 +0500</p> <p>FEI от спортининг от йўртиш (виездка) тестларига 2027 йил 1 январдан кучга кирадиган ўзгаришларХалқаро от спорти федерацияси (FEI) томонидан от йўртиш (виездка) йўналиши бўйича барча даражадаги мусобақаларда қўлланиладиган тестлар ҳар томонлама қайта кўриб чиқилди.От йўртишни (виездка) стратегик ривожлантириш бўйича ишчи гуруҳ тавсиясига мувофиқ, сўнгги 12 ой давомида тестларни ишлаб чиқиш гуруҳи амалдаги тестларни чуқур ўрганиб, таклиф этилган ўзгартишларни баҳолади. Янгиланган талаблар Германиянинг Варендорф шаҳрида амалий синовдан ҳам ўтказилди.Ўзгартишларнинг асосий мақсади — от йўртиш (виездка) йўналишининг ягона мақсад ва тамойилларига мувофиқликни таъминлаш, шунингдек, отнинг эгилувчанлиги, мувозанати ва мустақил ҳаракатланиш қобилиятини янада яққол намоён этадиган элементларни тестларга киритишдан иборат.Шунингдек, мусобақаларнинг турли даражаларида техник мураккаблик даражасини отни тайёрлаш шкаласига мувофиқ белгилашга алоҳида эътибор қаратилди.Янги тестлар қачондан кучга киради?Қайта кўриб чиқилган FEI от йўртиш (виездка) тестлари 2027 йил 1 январдан бошлаб барча FEI мусобақаларида қўлланилади. Ушбу сана Лос-Анжелес-2028 Олимпия ўйинларида иштирок этиш учун минимал малака талабларига (MER) мувофиқ саралаш даврининг бошланишига ҳам тўғри келади.Янгиланган тестлар FEI расмий веб-сайтининг от йўртиш тестларига бағишланган саҳифасида эълон қилинади.FEI Миллий федерацияларга янги тестлар билан олдиндан танишиб чиқиш ҳамда спортчилар, мураббийлар, ҳакамлар ва бошқа манфаатдор томонларни киритилаётган ўзгартишлар ҳақида ўз вақтида хабардор қилишни тавсия этади.</p> </article> <article> <h1>UFC чемпиони фаолиятини якунлаш ҳақида ўйлаганини тан олди</h1> <p>Fri, 16 Oct 2026 16:09:35 +0500</p> <p>UFC чемпиони Кейла Харрисон оғир жароҳатдан кейин спортдаги фаолиятини якунлаш ҳақида жиддий ўйлаганини маълум қилди. Америкалик жангчи бўйин қисмидан ўтказилган операция ва узоқ давом этган тикланиш жараёни унинг келажагини сўроқ остига қўйганини тан олди. Бу ҳақда Харрисон Uncrowned нашрига берган интервьюсида айтиб ўтди.</p><p>Манбага кўра, спортчининг бўйин умуртқалари билан боғлиқ муаммолари узоқ вақтдан бери давом этган. Жароҳат кучайгач, Харрисоннинг қўлида увишиш ва кучсизлик пайдо бўлган. Шифокорлар унга операция ўтказишга қарор қилган.</p><p>Жарроҳлик амалиётидан сўнг жангчи саккиз ҳафта давомида махсус бўйин мосламасини тақишга мажбур бўлган. Харрисон тикланиш жараёни нафақат жисмонан, балки руҳий жиҳатдан ҳам оғир кечганини билдирган. Бироқ ҳозир ўзини яхши ҳис қилаётганини ва яна октагонга чиқишга тайёрлигини таъкидлаган.</p><p>Маълумот учун, Кейла Харрисон икки карра Олимпия чемпиони ҳисобланади. У ноябрь ойида UFC 334 турнирида Аманда Нунесга қарши чемпионлик камарини ҳимоя қилиши режалаштирилган. Харрисон ушбу жангдан кейин фаолиятини якунлаш эҳтимолини ҳам инкор этмаган.</p> </article> <article> <h1>PFL жангчиси чемпионлик жанги учун сочини олдирди</h1> <p>Fri, 16 Oct 2026 16:08:19 +0500</p> <p>Америкалик ММА жангчиси Лиз Кармуш PFL чемпионлик жанги олдидан ғайриоддий қарори билан эътиборни тортди. 42 ёшли спортчи белгиланган вазнга тушиш учун расмий вазн ўлчаш маросими олдидан сочини бутунлай олдирди. Бу ҳақда MMA Fighting нашри хабар бермоқда.</p><p>Манбага кўра, Кармуш 16 октябрь куни Жена Бишопга қарши вакант чемпионлик камари учун жанг қилади. Спортчи вазн ўлчаш маросимида таваккал қилишни истамаган ва сочини олдиргач, тарозида аниқ 125 фунт натижани қайд этган.</p><p>Унинг рақиби Жена Бишоп эса 124,6 фунт вазн кўрсатган. Шу тариқа, икки спортчи ҳам чемпионлик жанги учун қўйилган талабларни бажарган. Уларнинг аввалги учрашуви 2025 йил августида бўлиб ўтган ва ўшанда Кармуш нокаут эвазига ғалаба қозонган эди.</p><p>Маълумот учун, Кармуш Bellator ташкилотининг собиқ чемпиони ҳисобланади. У сўнгги тўртта жангида ҳам ғалаба қозонган. PFL Chicago турниридаги реванш эса аёллар ўртасидаги энг енгил вазн чемпионлик камарининг янги соҳибини аниқлаб беради.</p> </article> <article> <h1>Сарваржон Ҳамидов PFL жанги олдидан вазн ўлчаш маросимидан муваффақиятли ўтди</h1> <p>Fri, 16 Oct 2026 16:04:41 +0500</p> <p>Ўзбекистонлик MMA жангчиси Сарваржон Ҳамидов АҚШда ташкил этиладиган PFL Chicago турнири олдидан расмий вазн ўлчаш маросимида қатнашди. Ҳамюртимиз белгиланган вазн чегарасидан муваффақиятли ўтиб, бразилиялик Рафаэл ду Насиментуга қарши жанг қилиш ҳуқуқини қўлга киритди. Бу ҳақда PFL турнирининг расмий вазн ўлчаш натижаларида маълум қилинди.</p><p>Манбага кўра, Ҳамидов тарозида 135,8 фунт, яъни тахминан 61,6 килограмм вазн кўрсатган. Унинг рақиби Рафаэл ду Насименту эса 135,4 фунт натижа қайд этган. Шу тариқа, икки жангчининг ҳам белгиланган талабларни бажаргани тасдиқланган.</p><p>Ҳамюртимизнинг жанги Чикагодаги Wintrust Arena’да ташкил этиладиган турнирнинг асосий кардидан жой олган. Ушбу оқшомда Тимур Хизриев ва Габриэл Брага ўртасидаги тўқнашув ҳам ўтказилиши режалаштирилган.</p><p>Маълумот учун, PFL Chicago турнирининг марказий жангида Лиз Кармуш ва Жена Бишоп вакант чемпионлик камари учун беллашади. Ҳамидовнинг 16 октябрдаги иштироки эса Ўзбекистон MMA мухлислари учун куннинг муҳим воқеаларидан бири ҳисобланади.</p> </article> <article> <h1>Тошкент шаҳрида волейбол бўйича эркаклар ва аёллар ўртасида ўтказилган Ўзбекистон Кубоги мусобақаси ўз якунига етди</h1> <p>Fri, 16 Oct 2026 00:24:38 +0500</p> <p>Тошкент шаҳрида волейбол бўйича эркаклар ва аёллар ўртасида ўтказилган Ўзбекистон Кубоги мусобақаси ўз якунига етди.Мусобақа давомида жамоалар кубок учун муросасиз баҳсларда иштирок этиб, ўз маҳорати ва жамоавий ҳамжиҳатлигини намоён этдилар. Якунда ғолиб ва совриндор жамоаларни тақдирлаш маросими бўлиб ўтдиАЁЛЛАР БЎЙИЧА:1-ўрин — Хоразм вилоятининг UrDU спорт клуби2-ўрин — Андижон вилоятининг ADPI спорт клуби3-ўрин — Бухоро вилоятининг BuxDU спорт клубиЭРКАКЛАР ЎРТАСИДА:1-ўрин — Бухоро вилоятининг BuxDU спорт клуби2-ўрин — Ички ишлар вазирлиги Академиясининг ИИВ Академия спорт клуби 3-ўрин — Ички ишлар вазирлиги Ҳумо VC спорт клубиМусобақа якунида ғолиб ва совриндор жамоалар муносиб тақдирланиб, уларга кубоклар, медал ва эсдалик совғалар топширилдиМусобақада қатнашган барча жамоаларга келгуси баҳсларда омад ва янги зафарлар тилаймиз! </p> </article> <article> <h1>Илья Сибирцев завоевал бронзовую медаль на Кубке Остоны и стал чемпионом в Остона</h1> <p>Fri, 16 Oct 2026 00:21:09 +0500</p> <p>Илья Сибирцев завоевал бронзовую медаль на Кубке Остоны и стал чемпионом в Остона.</p><p>В столице Казахстана стартовал третий этап Кубка по плаванию на короткой воде, в котором узбекистанец Илья Сибирцев завоевал бронзовую медаль на дистанции 1500 метров вольным стилем.</p><p>Наш спортсмен занял третье место с результатом 14:43.97 и установил новый рекорд Узбекистана на короткой воде.</p><p>Плавание на 1500 метров вольным стилем</p><p>1-е место — Лукас Хенво (Бельгия) — 14:33.14</p><p>2-е место — Оливер Папаи (Венгрия) — 14:40.55</p><p>Федерация водных видов спорта Узбекистана поздравляет Илью Сибирцева с завоёванной медалью и новым национальным рекордом, а также с успехами на международной арене.</p> </article> <article> <h1>Ўзбекистон регби-7 терма жамоалари Asia Rugby Emirates Sevens Series финал босқичига йўл олди</h1> <p>Fri, 16 Oct 2026 00:13:20 +0500</p> <p>Ўзбекистон регби-7 терма жамоалари Asia Rugby Emirates Sevens Series финал босқичига йўл олди.</p><p>Бугун, 15-октябр куни Ўзбекистон миллий эркаклар ва аёллар терма жамоалари Осиё чемпионатининг ҳал қилувчи — иккинчи турига жўнаб кетди. Биринчи босқич якунларига кўра, аёллар жамоамиз 8-ўринни, эркаклар жамоамиз эса 11-ўринни эгаллаб турибди.Спортчиларимизга омад ва Осиё рейтингида янада юқори натижаларни тилаймиз!</p> </article> <article> <h1>Жавоҳир Синдоров классик шахмат бўйича live жаҳон рейтингида 3-ўринга кўтарилди</h1> <p>Fri, 16 Oct 2026 00:06:16 +0500</p> <p>Ўзбекистон шахмати тарихида илк бор ҳамюртимиз классик шахмат бўйича live жаҳон рейтингида 3-ўринга кўтарилди.АҚШ чемпионатида Фабиано Каруананинг Энди Вудвордга мағлуб бўлишидан сўнг, Жавоҳир Синдоров 2782 рейтинг билан дунёнинг 3-рақамли шахматчисига айланди. Ундан фақат Магнус Карлсен (2823) ва Хикару Накамура (2792) олдинда.Нодирбек Абдусатторов эса 2780 рейтинг билан 5-ўринда.Дунёнинг энг кучли беш шахматчисидан иккитаси — Ўзбекистон вакили. </p> </article> </main></body></html>