Айчи-Нагоя-2026: енгил атлетика ва чим устида хоккей федерацияларининг тайёргарлиги кўриб чиқилди</h1> <article> <h1>Айчи-Нагоя-2026: енгил атлетика ва чим устида хоккей федерацияларининг тайёргарлиги кўриб чиқилди</h1> <p>Fri, 17 Jul 2026 09:27:00 +0500</p> <p>Спорт вазири ўринбосари Шаҳрулло Маҳмудов ҳамда MOQ раиси ўринбосари Шерзод Тошматов бугун Айчи-Нагоя-2026 ёзги Осиё ўйинларига тайёргарлик кўраётган енгил атлетика ва чим устида хоккей бўйича терма жамоаларимизнинг режалари билан танишди.</p><p>Маълумки, енгил атлетика комплекс мусобақаларда энг кўп медаллар жамланмаси ўйналадиган спорт тури ҳисобланади. Бироқ суҳбат давомида терма жамоамиз ушбу имкониятдан унумли фойдалана олмаётгани таъкидлаб ўтилди. Муттахассислар бўлажак ўйинларда қатнашиши кутилган спортчиларимиз, уларнинг имкониятлари, жорий мавсум қайд этиб бораётган кўрсаткичлари ва асосий рақиблари ҳақидаги маълумотларни тақдим этишди.</p><p>Чим устида хоккей бўйича Ўзбекистон эркаклар ва аёллар терма жамоаларида Осиё ўйинларида иштирок этиш имконияти мавжуд. Учрашувда терма жамоага жалб этилиши кутилган спортчилар, жамоа имкониятлари атрофлича таҳлил қилинди. Қолаверса, терма жамоалар учун маҳаллий ва халқаро ўқув-машғулот йиғинларини самарали ташкил қилиш бўйича керакли тавсиялар бериб ўтилди.</p> </article> <article> <h1>Ислом Аҳмедов: «Ўйланган тактик режалардан кўнглимиз тўлди»</h1> <p>Mon, 06 Jul 2026 11:14:07 +0500</p> <p>“Андижон” жамоамизнинг “Минск”га қарши охирги ўртоқлик учрашувидан кейин бош мураббий Ислом Аҳмедов клуб матбуот хизматига интервью берди. - “Андижон”нинг охирги назорат учрашуви ҳам якунланди. Қандай хулосаларга келдингиз?- Умумий йиғинга тўхталадиган бўлсак, барчага тенг ўйин амалиётини бериш режамиз бор эди. Худди шундай режа асосида иш олиб борилди. Нечта ўйин ўтказган бўлсак, барчасига тенг ўйин амалиётини тақдим қилдик. Кечаги ўйинда таркибда майдонга тушганлар 90 дақиқа, бугунги таркибда ўйнаганлар ҳам 90 дақиқадан ҳаракат қилдилар. 70-80 фоизга жисмоний ҳолатимизни яхшилаб олдик. Қолганини Андижонда давом эттирамиз. Ўйланган тактик режалардан ҳам кўнглимиз тўлди. Барибир яна бир-иккита камчиликлар бор. Ўйинларни таҳлил қилган ҳолда уларни устида яна ишлаймиз. - Йиғин мобайнида 2-3 нафар ўйинчилар кўрикдан ўтишди. Бугун ҳам бир футболчини синаб кўрдингиз ва гол ҳам урди. Улар ҳақида фикрингиз қандай?- Ҳа, ўйинчиларни кўриб бордик. Мақсадимиз юқори ўринлардан бирини эгаллаш. Биз кўрган футболчилар эса ҳозирги ўйинчиларимизга рақобат қила олмайдилар. Майдонга тушганда ўрнини тўлдириб, кучайтириб бера оладиган даражадаги футболчилар эмас. Шу боис ўйинчи олишга шошилмаяпмиз. - Энди бундан кейинги режалар қандай олиб борилади?- Ўзбекистонга қайтгач, футболчиларимизга икки кунга дам берамиз. 9 июлда ўз қароргоҳимизда йиғиламиз. 12 июль кунига иккита учрашув режалаштирганмиз. Шундан кейин яна бир кунга дам бергач, 14-санадан “Сурхон”га қарши учрашув учун расмий ўйинга тайёргарлик кўриб борамиз.</p> </article> <article> <h1>2030 йилги хоккей бўйича жаҳон чемпионати Финляндия ва Латвияда бўлиб ўтади</h1> <p>Fri, 29 May 2026 16:30:45 +0500</p> <p>2030 йилги хоккей бўйича жаҳон чемпионати Хельсинки ва Ригада бўлиб ўтади, деб хабар беради Финляндия хоккей иттифоқи матбуот хизмати. </p><p>Бундай қарор Халқаро хоккей федерацияси конгрессида қабул қилинди. Финляндия хоккей иттифоқи раҳбари Хейкки Хиетанен бу қарорга изоҳ берди.</p><p>«Қарор қабул қилиниши билан мусобақага тайёргарликни бошлаш мумкин. Хельсинки шаҳри, арена ва бошқа асосий манфаатдор томонлар жараёнга катта иштиёқ билан жалб этилгани ҳозирданоқ аён — пойтахт минтақасида шайбали хоккей бўйича жаҳон чемпионатини ўтказиш кутилган воқеа эди», — дея Хиетанен сўзларидан иқтибос келтиради Финляндия хоккей федерацияси матбуот хизмати.</p><p>Мусобақалар 2030 йилнинг 17 майидан 2 июнига қадар бўлиб ўтади. Ҳар бир шаҳар битта гуруҳ ўйинлари ва чорак финалларга мезбонлик қилади. Ярим финаллар, шунингдек, финал ва учинчи ўрин учун баҳс Хельсинкида бўлиб ўтади.</p> </article> <article> <h1>Тўрт карра Стэнли Кубоги ғолиби Клод Лемьё ўз жонига қасд қилди</h1> <p>Fri, 29 May 2026 01:26:27 +0500</p> <p>Стэнли Кубогининг тўрт карра соҳиби, канадалик афсонавий хоккейчи Клод Лемьё ўз жонига қасд қилди, деб хабар бермоқда TMZ нашри. Аввалроқ унинг 60 ёшида вафот этгани ҳақида маълум қилинган эди.</p><p>Манбанинг таъкидлашича, Лемьёнинг уйга қайтмаганидан хавотирга тушган вояга етган ўғли уни тунги соат учлар атрофида оилавий мебель дўконидан топган. Хоккейчининг жасади дўконнинг орқа тарафига жойлашган омборхонадан топилган.</p><p>Лемьё фаолияти давомида учта турли жамоа билан Стэнли Кубогини қўлга кирита олган тарихдаги 9 нафар ўйинчидан бири ҳисобланади. У ушбу нуфузли совринга «Монреал Канадиенс» (1986), «Нью-Джерси Девилз» (1995, 2000) ва «Колорадо Эвеланш» (1996) клублари сафида эга чиққан. 1995 йилда эса ҳужумчи плей-офф босқичининг энг қимматли ўйинчиси мукофотини қўлга киритган.</p><p>Канада терма жамоаси таркибида эса Лемьё 1985 йилги ёшлар ўртасидаги жаҳон чемпионатида ғолиб чиққан, Канада Кубоги (1987) соҳибига айланган ҳамда Жаҳон Кубогининг (1996) кумуш медали совриндори бўлган эди.</p> </article> <article> <h1>Хоккей. Ўзбекистон U18 терма жамоаси учинчи бор Осиё чемпионлигини қўлга киритди</h1> <p>Mon, 04 May 2026 17:45:17 +0500</p> <p>Ўзбекистон U18 терма жамоаси хоккей бўйича Осиё кубогини учинчи бор қўлга киритиб, турнирнинг энг кучли жамоаси мақомини ишонч билан мустаҳкамлади.Турнир 27-апрелдан 3-майгача Бишкек шаҳрида бўлиб ўтди. Унда жамоамиз барча учрашувларда ғалаба қозониб, мусобақани мағлубиятсиз якунлади (Қирғизистон — 4:2; Ҳиндистон — 15:1; Мўғулистон — 7:2; Индонезия — 13:0 - ярим финал; Қирғизистон — 3:2 - финал).Ушбу муваффақият ёрқин натижалар кетма-кетлигининг мантиқий давомидир:— 2023-йилда жамоа илк бор Мўғулистонда ўтказилган Осиё ва Океания кубогида ғолиб бўлди;— 2024-йилда Тошкентдаги уй музида ушбу натижани такрорлади;— 2026-йилда эса учинчи бор чемпионликни қўлга киритиб, унвонини ҳимоя қилди.Шунингдек, 2026-йил март ойида жамоа халқаро майдонда ҳам муваффақиятли иштирок этиб, ўз дивизионида жаҳон чемпионатида олтин медални қўлга киритди ва икки карра жаҳон чемпионига айланди.Мазкур натижа Ўзбекистон хоккей федерациясининг терма жамоаларни тайёрлаш ва мамлакатда хоккейни ривожлантириш борасидаги бошқарув ҳамда ташкилий ишларининг юқори даражада эканини яққол кўрсатади.</p> </article> <article> <h1>Хоккейчиларимиз жаҳон чемпионатида яна бир дивизион юқорилашди</h1> <p>Mon, 20 Apr 2026 02:20:00 +0500</p> <p>Гонконгда хоккей бўйича катталар ўртасидаги жаҳон чемпионатининг III дивизион “B” гуруҳидан ўрин олган беллашувлар бўлиб ўтди.</p><p>Қувонарлиси, унда иштирок этган Ўзбекистон терма жамоаси барча рақибларини мағлуб этиб, гуруҳда биринчи ўринни эгаллади. Ҳамюрларимиз қайд этган натижалар:</p><p>Ўзбекистон — Мўғулистон 26:1Ўзбекистон — Филиппин 28:3 Ўзбекистон — КХДР 20:3Ўзбекистон — Люксембург 14:0Ўзбекистон — Гонконг 9:4</p><p>Ушбу муваффақиятдан кейин жамоамиз келаси йил III дивизионнинг “A” гуруҳида иштирок этиш ҳуқуқига эга бўлди.</p> </article> <article> <h1>Ўзбекистонлик хоккейчилар жаҳон чемпионатида яна бир дивизион юқорилашди</h1> <p>Sun, 19 Apr 2026 18:27:00 +0500</p> <p>Гонконгда хоккей бўйича катталар ўртасидаги жаҳон чемпионатининг III дивизион “B” гуруҳидан ўрин олган беллашувлар бўлиб ўтди. Қувонарлиси, унда иштирок этган Ўзбекистон терма жамоаси барча рақибларини мағлуб этиб, гуруҳда биринчи ўринни эгаллади.</p><p>Ўзбекистон — Мўғулистон 26:1Ўзбекистон — Филиппин 28:3 Ўзбекистон — КХДР 20:3Ўзбекистон — Люксембург 14:0Ўзбекистон — Гонконг 9:4</p><p>Ушбу муваффақиятдан кейин жамоамиз келаси йил III дивизионнинг “A” гуруҳида иштирок этиш ҳуқуқига эга бўлди.</p> </article> <article> <h1>Андижонда чим устида хоккей бўйича маҳорат дарси ташкил этилди</h1> <p>Fri, 17 Apr 2026 09:53:46 +0500</p> <p>Андижон вилояти спортнинг ўйин турлари ва енгил атлетикага ихтисослаштирилган спорт мактабида чим устида хоккей спорт тури бўйича маҳорат дарси бўлиб ўтди. Мазкур машғулот ёш спортчилар маҳоратини ошириш, уларни замонавий усуллар асосида тайёрлаш мақсадида ташкил этилди.</p><p>Маҳорат дарси Ўзбекистон Республикаси жисмоний тарбия ва спорт бўйича мутахассисларни қайта тайёрлаш ва малакасини ошириш институти Фарғона филиали ходимлари кузатувида ўтказилиб, тажрибали мураббийлар томонидан олиб борилди. Машғулот давомида иштирокчиларга хоккей бўйича замонавий техника ва тактикалар, амалий кўникмалар чуқур ўргатилди.</p> </article> <article> <h1>Чим устида хоккей. Ўзбекистон чемпионати беллашув жараёнлари давом этмоқда</h1> <p>Tue, 24 Mar 2026 23:20:00 +0500</p> <p>Ўзбекистон чемпионати беллашув жараёнлари давом этмоқда.</p><p>Пойтахтимиздаги Олимпия шаҳарчасида спортнинг чим устида хоккей тури бўйича ўсмирлар (U-18, ўғил ва қиз болалар) ўртасида Ўзбекистон чемпионати баҳслари ўтказилмоқда. </p><p>Республикамизнинг турли ҳудудларидан келган 15 та жамоалар (8 та ўғил болалар, 7 та қизлар) ғолиблик учун баҳслашишмоқда.</p><p>Маълумот учун чемпионат беллашувлари жорий йилнинг 28-март кунига қадар давом этади.</p> </article> <article> <h1>Спортчиларимиз пара велотрек бўйича Осиё чемпионатида иштирок этади</h1> <p>Tue, 24 Mar 2026 12:20:50 +0500</p> <p>23-март — 2-апрел кунлари Филиппиннинг Тагейтей шаҳрида пара велоспортнинг трек йўналиши бўйича Осиё чемпионати ўтказилади. Ўзбекистон терма жамоаси аъзолари мазкур қитъа биринчилигида қуйидаги таркибда иштирок этади:</p><p>Азимбек АбдуллаевАброир ИброимовБоймурод ЯвқочевНурдаўлет МирзабоевЖавлонбек АбдуллажоновҚудратжон РўзиқуловСухроб УбайдуллаевРухшона ЁқуббоеваКамола Нуриллаева.</p> </article> <article> <h1>«Tashkent open cup» ғолиблари аниқланди</h1> <p>Tue, 17 Mar 2026 19:40:34 +0500</p> <p>Тошкент шаҳрида жойлашган Олимпия шаҳарчасида спортнинг чим устида хоккей тури бўйича ўсмирлар (эркаклар ва аёллар) ўртасида "Tashkent open cup" халқаро турнири бўлиб ўтди.</p><p>200 нафарга яқин спортчи иштирок этган мусобақа беллашув жараёнларида Беларусь, Қозоғистон ҳамда Ўзбекистон жамоалари иштирок этди.</p><p>Қизғин баҳс ва муросасиз беллашувларга бой ўтган турнир натижаларига кўра:</p><p>Аёллар ўртасида</p><p>1-ўринни Беларусь аёллар жамоаси,2-ўринни Ўзбекистон аёллар жамоаси,3-ўринни Қозоғистон аёллар жамоаси;</p><p>Эркаклар ўртасида</p><p>1-ўринни Ўзбекистон эркаклар жамоаси,2-ўринни Беларусь эркаклар жамоаси,3-ўринни Ўзбекистон U-21 ёшлар терма жамоасиэгаллади.</p><p>Ғолиб ва совриндорлар ташкилотчиларнинг кубок, медал ва эсдалик совғалари билан тақдирланди.</p> </article> <article> <h1>Хоккей бўйича Жаҳон чемпионати ғолиби бўлган Ўзбекистон U18 терма жамоаси юртимизга қайтишди</h1> <p>Tue, 10 Mar 2026 12:26:22 +0500</p> <p>Жорий йилнинг 2-8-март кунлари Гонконгда ўтказилган хоккей бўйича U18 ёш тоифасидаги жаҳон чемпионатида жамоамиз 5 та ўйинда 5 та ғалабани қўлга киритиб, юқорироқ дивизион — ИИБ га йўлланмага эга бўлди.</p><p>Ҳал қилувчи шиддатли баҳсларда Ўзбекистон терма жамоаси Исроил жамоасини 6:3 ҳисобига мағлуб этиб, олтин медални қўлга киритди.</p><p>Бугун Ислом Каримов номидаги Тошкент халқаро аэропортида музфар хоккейчиларимиз Спорт вазирлиги ҳамда мамлакат хоккей федерацияси мутасаддилари, спортчиларимизнинг ота-оналари ва кенг жамоатчилик иштирокида кутиб олинди ва уларга кейинги мусобақаларда муваффақият тилашди.</p> </article> <article> <h1>Хоккей. Ёш хоккейчиларимиз жаҳон чемпионатида III дивизион ғолиби бўлишди</h1> <p>Mon, 09 Mar 2026 00:41:00 +0500</p> <p>Ёш хоккейчиларимиз жаҳон чемпионатида III дивизион ғолиби бўлишди</p><p>Хоккей бўйича Ўзбекистон U18 терма жамоаси Гонконгда ташкил этилган жаҳон чемпионати III дивизион “A” гуруҳи ғолиби бўлди. Мусобақада мағлубиятсиз иштирок этган йигитларимиз сўнгги турда Исроил устидан 6:3 ҳисобида ғалаба қозонишди.</p><p>Ушбу муваффақият жамоамизга келаси йил II дивизионнинг “B” гуруҳида иштирок этиш имкониятини тақдим этади. </p> </article> <article> <h1>Ўзбекистон U18 терма жамоаси жаҳон чемпионати III дивизион A гуруҳида ғолиб бўлди</h1> <p>Sun, 08 Mar 2026 17:16:00 +0500</p> <p>Жорий йилнинг 2-8-март кунлари Гонконгда ўтказилган хоккей бўйича U18 ёш тоифасидаги жаҳон чемпионатида жамоамиз 5 та ўйинда 5 та ғалабани қўлга киритиб,юқорироқ дивизион — ИИБ га йўлланмага эга бўлди.</p><p>Ҳал қилувчи шиддатли баҳсларда Ўзбекистон терма жамоаси Исроил жамоасини 6:3 ҳисобида мағлуб этиб, олтин медални қўлга киритди.</p><p>Ишончли ўйин, кучли характер ва бутун жамоанинг меҳнати муносиб натижага олиб келди.</p><p>Ғолибликни қўлга киритган хоккейчиларимизни жорий йилнинг 10-март куни Тошкент халқаро аэропортида тантанали равишда кутиб олиш режалаштирилмоқда.</p> </article> <article> <h1>Ҳоккей. АҚШ 46 йиллик танаффусдан сўнг Олимпиада чемпионига айланди</h1> <p>Mon, 23 Feb 2026 12:36:47 +0500</p> <p>Миландаги “Арена Санта-Жулия” стадионида эркаклар ўртасидаги Олимпия ҳоккей турнирининг финали бўлиб ўтди.</p><p>Унда Канада ва АҚШ жамоалари рўбарў келди. Беллашувда америкаликлар овертаймда 2:1 ҳисобида ғалаба қозонишди.</p><p>Натижада АҚШ ҳоккей жамоаси учун Олимпиада дорасида сўнгги 46 йил ичидаги биринчиси бўлди. Улар охирги марта 1980 йилда олтин медални қўлга киритишганди.</p><p>Канада жамоаси ҳоккейчилари кумуш медалга сазовор бўлишди, бронза эса Финляндияга насиб этди. </p> </article> </main></body></html>