Ёшлар ўртасидаги Жаҳон чемпионатининг барча финал жуфтликлари</h1> <article> <h1>Ёшлар ўртасидаги Жаҳон чемпионатининг барча финал жуфтликлари</h1> <p>Mon, 26 Oct 2026 21:51:17 +0500</p> <p>Ёшлар ўртасидаги Жаҳон чемпионатининг барча финал жуфтликлари.</p><p>Черногориянинг Будва шаҳри мезбонлик қилаётган ёшлар ўртасидаги Жаҳон чемпионати ҳам ҳал қилувчи босқичга етиб келди. Эртага финал жанглари бўлиб ўтади. Маълумки, ушбу босқичга терма жамоамизнинг 6 нафар вакили етиб келган. Улар финалда қуйидаги рақиб ва рақибаларига қарши баҳс олиб боради.</p><p>-51 кг:Назокат Мардонова - Руби Лопес (АҚШ)</p><p>-70 кг: Мафтуна Янгиёева - Марли Макнелли (АҚШ)</p><p>-75 кг: Суҳроб Раҳматуллаев - Муҳаммад Солеҳ Месбахи (Эрон)</p><p>-85 кг: Сардор Баҳромхўжаев - Крилл Коршаков (Россия)</p><p>-90 кг: Асадбек Султанбаев - Владислав Науменко ( Украина)</p><p>+ 90 кг: Ислом Салихов - Владислав Саможонов (Қозоғистон)</p> </article> <article> <h1>U19 жаҳон чемпионати: олти нафар боксчимиз финал йўлланмасига эга чиқди</h1> <p>Mon, 26 Oct 2026 21:42:20 +0500</p> <p>U19 жаҳон чемпионати: олти нафар боксчимиз финал йўлланмасига эга чиқди</p><p>Будва шаҳрида (Черногория) бокс бўйича U19 ёш тоифасидаги жаҳон чемпионати ўз ниҳоясига етиб бормоқда. Ярим финал беллашувлари якунига кўра, терма жамоамизнинг олти нафар аъзоси ҳал қилувчи босқич йўлланмасини қўлга киритди. Яна икки боксчимиз эса бронза медалига сазовор бўлди.</p><p>Финалга йўл олган боксчилар:-75 кг: Сухроб Рахматуллаев-85 кг: Сардорбек Баҳромхўжаев-90 кг: Асадбек Султонбоев+90 кг: Ислом Салихов-51 кг: Назокат Мардонова-70 кг: Мафтуна Янгиева</p><p>Бронза медали соҳиблари:-70 кг: Зулфиқор Адҳамжонов-48 кг: Мухтасар Алиева</p><p>Мусобақанинг финал баҳслари эртага, 27-октябрь куни ташкил этилади.</p> </article> <article> <h1>Канело Альварес чемпионлик жанги олдидан Ар-Риёдга етиб келди</h1> <p>Mon, 26 Oct 2026 17:10:17 +0500</p> <p>Мексикалик машҳур боксчи Саул “Канело” Альварес 31-октябрь куни Кристиан Мбиллига қарши ўтказиладиган жанг олдидан Саудия Арабистонининг Ар-Риёд шаҳрига етиб келди. Собиқ мутлақ жаҳон чемпиони рингга қайтишга тайёрлигини билдирди. Бу ҳақда Reuters агентлиги хабар бермоқда.</p><p>Манбага кўра, 36 ёшли Альварес узоқ танаффус давомида жисмоний ҳолатини тиклашга муваффақ бўлганини таъкидлаган. Боксчи сўнгги бор 2025-йил сентябрида Теренс Кроуфордга қарши рингга кўтарилган ва мағлубиятга учраган эди. Энди у яна жаҳон чемпионлик камарини қўлга киритишни мақсад қилмоқда.</p><p>Канело навбатдаги жангга тайёргарлик давомида испаниялик мураббийлар ва оғир вазн чемпиони Олександр Усикнинг машғулот жамоаси билан ҳамкорлик қилган. Мексикалик спортчи мазкур тажриба унга катта фойда берганини ва бунинг натижасини рингда кўрсатиш ниятида эканини айтган.</p><p>Маълумот учун, Канело 31-октябрь куни WBC йўналишининг иккинчи ўрта вазн тоифасидаги амалдаги чемпиони Кристиан Мбиллига қарши жанг қилади. Мазкур баҳс 12 раундга мўлжалланган.</p> </article> <article> <h1>Ўзбекистоннинг олти нафар боксчиси Жаҳон чемпионати финалига чиқди</h1> <p>Mon, 26 Oct 2026 17:04:20 +0500</p> <p>Черногориянинг Будва шаҳрида давом этаётган 19 ёшгача бўлган боксчилар ўртасидаги Жаҳон чемпионатида Ўзбекистон терма жамоасининг олти нафар вакили финал йўлланмасини қўлга киритди.</p><p>Мусобақанинг ҳал қилувчи босқичига энг кўп боксчи олиб чиққан терма жамоа Россия бўлиб, унинг ўн нафар вакили финалда иштирок этади. Ўзбекистон олти нафар спортчи билан иккинчи ўринни эгаллаган. Қозоғистон ва Хитой эса тўрттадан финалчи билан учинчи натижани қайд этган.</p><p>Ўзбекистонлик боксчиларнинг ушбу кўрсаткичи ёшлар ўртасидаги халқаро мусобақаларда терма жамоа рақобатбардошлигини яна бир бор намойиш этди. Эндиликда ҳамюртларимиз ҳал қилувчи жангларда олтин медаллар учун кураш олиб боради.</p><p>Маълумот учун, World Boxing ташкилоти шафелигидаги жаҳон чемпионати 16–27 октябр кунлари ўтказилмоқда. Финал жанглари 27 октябрга белгиланган.</p> </article> <article> <h1>Шакур Стивенсон бирорта ҳам жанг ўтказмасдан Zuffa Boxing промоушенини тарк этди</h1> <p>Tue, 20 Oct 2026 17:27:41 +0500</p> <p>Профессионал боксда мағлубиятсиз фаолият юритаётган америкалик Шакур Стивенсон UFC президенти Дана Уайт раҳбарлигидаги Zuffa Boxing промоушени билан ҳамкорликни тўхтатди. 29 ёшли боксчи ташкилот билан кўп жангга мўлжалланган шартнома имзолаганидан уч ойдан ошганига қарамай, унинг байроғи остида бирорта ҳам жанг ўтказмаган. Стивенсон шартномадан озод этилганини ўзининг YouTube каналида маълум қилди.</p><p>Манбага кўра, америкалик боксчи Zuffa Boxing билан 9-июль куни шартнома имзолаган. Бироқ кейинги уч ой давомида унинг иштирокида бирорта ҳам жанг ташкил этилмаган. Стивенсоннинг айтишича, у саккиз ҳафта давомида бўлиб ўтиши ваъда қилинган жангларга тайёргарлик кўрган, аммо учрашувларнинг ҳеч бири амалга ошмаган. Шу сабабли боксчи промоушен раҳбариятидан шартномасини бекор қилишни сўраган ва унинг талаби қаноатлантирилган. Стивенсон ташкилотга нисбатан адовати йўқлигини ҳам таъкидлаган.</p><p>Эндиликда америкалик боксчи фаолиятини мустақил равишда давом эттиришни режалаштирмоқда. У ўзининг промоутерлик компаниясини ташкил этиб, бошқа промоушенлар билан ҳамкорлик қилиш ниятида эканини билдирган. Стивенсоннинг асосий мақсади енгил ва биринчи ярим ўрта вазн тоифаларидаги энг кучли боксчиларга қарши жанг ўтказишдан иборат. Келажакда эса у 66,7 килограммгача бўлган ярим ўрта вазн тоифасига кўтарилишни ҳам истисно қилмаяпти.</p><p>Маълумот учун, Шакур Стивенсон профессионал фаолияти давомида 25 та жанг ўтказиб, уларнинг барчасида ғалаба қозонган. Унинг ҳисобида 11 та нокаут мавжуд. Америкалик боксчи 2026 йил январь ойида Теофимо Лопесни ҳакамларнинг якдил қарори билан мағлуб этиб, WBO йўналиши бўйича биринчи ярим ўрта вазн тоифасида жаҳон чемпионига айланган. Шунингдек, у 2016 йилги Рио Олимпиадасининг кумуш медаль совриндори ҳисобланади.</p> </article> <article> <h1>Ўзбекистоннинг 18 нафар ёш боксчиси жаҳон чемпионатида иштирок этмоқда</h1> <p>Mon, 19 Oct 2026 16:49:21 +0500</p> <p>Черногориянинг Будва шаҳрида 19 ёшгача бўлган спортчилар ўртасида бокс бўйича жаҳон чемпионати давом этмоқда. 16–27 октябрь кунлари ташкил этилаётган нуфузли мусобақада дунёнинг 69 мамлакатидан 474 нафар боксчи иштирок этмоқда. Ўзбекистон терма жамоаси эса 18 нафар спортчи билан жаҳон чемпионлиги ва медаллар учун кураш олиб бормоқда. Бу ҳақда Ўзбекистон Миллий олимпия қўмитаси хабар бермоқда.</p><p>Манбага кўра, Ўзбекистон терма жамоаси мусобақада йигитлар ўртасида 10 та, қизлар ўртасида эса 8 та вазн тоифасида қатнашмоқда. Чемпионатнинг дастлабки кунларидан саралаш жангларига старт берилган бўлиб, спортчилар кейинги босқичларга йўл олиш учун ўзаро куч синашмоқда. Мусобақада Европа, Осиё, Америка ва бошқа қитъаларнинг кучли ёш боксчилари иштирок этаётгани сабабли медаллар учун рақобат юқори бўлиши кутилмоқда.</p><p>Ўзбекистонлик боксчилар чемпионатни муваффақиятли бошлади. Дастлабки мусобақа кунида Севара Маматова 60 килограммгача вазн тоифасида янги зеландиялик Брук Миллерни ҳакамларнинг якдил қарори билан 5:0 ҳисобида мағлуб этди. Иккинчи мусобақа кунида эса Ўзбекистон вакиллари бешта ғалабани қўлга киритиб, энг яхши натижа қайд этган терма жамоага айланди. Жумладан, Шодиёна Меликузиева ҳиндистонлик Жойшри Деви Чиромни 3:2 ҳисобида енгган бўлса, Зулфикор Адҳамжонов грузиялик Акаки Басариядан устун келди. Ушбу натижалар терма жамоамизнинг мусобақадаги муваффақиятли иштирокини давом эттиришига замин яратмоқда.</p><p>Маълумот учун, Будвадаги турнир World Boxing ташкилоти томонидан ўтказилаётган 19 ёшгача бўлган спортчилар ўртасидаги иккинчи жаҳон чемпионати ҳисобланади. Илк мусобақа 2024 йилда АҚШнинг Колорадо штатида ташкил этилган эди. Жорий чемпионатда жами 20 та вазн тоифасида ғолиб ва совриндорлар аниқланади. Ярим финал беллашувлари 25 октябрь куни, финал жанглари эса 27 октябрда бўлиб ўтади. Мазкур турнир ёш боксчилар учун халқаро тажриба орттириш ва келгусида катталар ўртасидаги йирик мусобақаларга тайёргарлик кўришда муҳим аҳамият касб этади.</p> </article> <article> <h1>Баҳодир Жалолов британиялик боксчи Соломон Дакресни мағлуб этди</h1> <p>Sun, 18 Oct 2026 08:57:23 +0500</p> <p>Баҳодир Жалолов британиялик боксчи Соломон Дакресни мағлуб этди</p><p>Жалолов профессионал боксдаги 18-ғалабасини қўлга киритди</p><p>Буюк Британия пойтахти Лондондаги O2 Arena мажмуасида катта профессионал бокс оқшоми ўтказилмоқда.</p><p>Мусобақада икки карра Олимпия ўйинлари чемпиони, ўзбекистонлик супер оғир вазн боксчиси Баҳодир Жалолов британиялик Соломон Дакресга қарши рингга чиқди. Супер оғир вазн тоифасидаги 10 раундлик баҳс тўлиқ давом этди. Якунда Баҳодир рақибини ҳакамларнинг якдил қарори билан мағлубиятга учратди.</p><p>Шу тариқа, Жалолов профессионал рингдаги рекордида энди 18 та ғалаба мавжуд, шундан 15 таси нокаут билан қўлга киритилди.</p><p>Маълумот учун, Баҳодир Жалолов сўнгги жангини 9 май куни Манчестерда ўтказган эди. Ўшанда у хорватиялик Агрон Смакичини нокаутга учратган.</p> </article> <article> <h1>Баходир Жалолов бугун Лондонда британиялик боксчига қарши жанг қилади</h1> <p>Sat, 17 Oct 2026 13:53:52 +0500</p> <p>Икки карра Олимпиада чемпиони Баходир Жалолов бугун, 17-октабрь куни профессионал боксдаги навбатдаги жангини ўтказади. Ўзбекистонлик супероғир вазн тоифаси вакили Буюк Британия пойтахти Лондондаги ‘‘O2 Arena’’да маҳаллий боксчи Соломон Дакресга қарши рингга кўтарилади. Ўн раундга мўлжалланган беллашув Дениел Дюбуа ва Фабио Уордли ўртасидаги реванш жанги ташкил этиладиган бокс оқшомидан ўрин олган. Бу ҳақда talkSPORT нашри хабар бермоқда.Манбага кўра, ҳар икки боксчи жанг олдидан расмий вазн ўлчаш ва юзма-юз туриш маросимида иштирок этган. Жалолов тарозида 115,7 килограмм, Дакрес эса 110,2 килограмм натижа қайд этган. Шу тариқа ўзбекистонлик боксчи рақибидан 5,5 килограмм оғирроқ экани маълум бўлди. Беллашув Жалолов учун профессионал боксдаги навбатдаги муҳим синовлардан бири бўлиши кутилмоқда.Баходир Жалолов сўнгги жангини жорий йилнинг май ойида хорватиялик Агрон Смакичига қарши ўтказиб, еттинчи раундда техник нокаут эвазига ғалаба қозонган эди. Соломон Дакрес эса охирги марта 2025-йил июль ойида украиналик Владислав Сиренко билан тўқнаш келиб, ҳакамларнинг якдил қарори билан зафар қучган. Британиялик боксчи аввал Англия чемпионлик камарига ҳам эгалик қилган.Маълумот учун, 32 ёшли Баходир Жалолов профессионал фаолиятида 17 та жанг ўтказиб, уларнинг барчасида ғалаба қозонган. Ушбу беллашувларнинг 15 тасини муддатидан олдин якунлаган. Соломон Дакрес ҳисобида эса 10 та ғалаба ва битта мағлубият мавжуд. Лондондаги бокс оқшомининг марказий жангида Дениел Дюбуа WBO йўналишидаги жаҳон чемпионлик камарини Фабио Уордлига қарши ҳимоя қилади. Турнир DAZN платформаси орқали жонли эфирда намойиш этилади.</p> </article> <article> <h1>Себастиан Фундора барча чемпионлик камарларини бирлаштириш ниятида</h1> <p>Fri, 16 Oct 2026 16:11:31 +0500</p> <p>WBC йўналишида биринчи ўрта вазн чемпиони Себастиан Фундора дивизиондаги барча асосий чемпионлик камарларини бирлаштиришни мақсад қилганини маълум қилди. Америкалик боксчи келажакда Жарон Эннисга қарши катта жанг ўтказиш истагини билдирди. Бу ҳақда Фундоранинг матбуот вакиллари билан суҳбатига таяниб, Bad Left Hook нашри хабар бермоқда.</p><p>Манбага кўра, Фундора аввало 17 октябрь куни мағлубиятга учрамаган албаниялик Эрмал Хадрибеайга қарши ўз чемпионлик камарини ҳимоя қилади. Шундан кейин у Эннис ва Жош Келли ўртасидаги жанг ғолиби билан тўқнашиш имкониятини кўриб чиқмоқчи.</p><p>Фундора Эннисга қарши баҳсни вазн тоифасидаги энг қизиқарли тўқнашувлардан бири деб ҳисоблайди. Америкалик спортчининг фикрича, мазкур жанг ташкил этилса, дивизиондаги энг кучли боксчини аниқлаш учун катта имконият юзага келади.</p><p>Маълумот учун, 28 ёшли Фундора профессионал фаолиятида 24 та ғалаба, битта мағлубият ва битта дуранг қайд этган. У 2024 йилда Тим Цзюни мағлуб этиб, WBC чемпионлик камарини қўлга киритган. Ҳозирча Эннисга қарши жанг бўйича расмий келишув мавжуд эмас.</p> </article> <article> <h1>15-27 октябр кунлари Черногориянинг Будва шаҳри ёшлар ўртасидаги Жаҳон чемпионатига мезбонлик қилади</h1> <p>Thu, 15 Oct 2026 23:39:22 +0500</p> <p>15-27 октябр кунлари Черногориянинг Будва шаҳри ёшлар ўртасидаги Жаҳон чемпионатига мезбонлик қилади.</p><p>Нуфузли мусобақада Ўзбекистон ёшлар терма жамоаси ҳам кучли таркибда иштирок этиб, жаҳон биринчилиги медаллари учун рингга кўтарилишади.</p><p>Таркибимиз билан танишинг:</p><p>Йигитлар:</p><p>-50 кг. Амиржон Супонов-55 кг. Элёр Рустамов-60 кг. Муҳаммадризо Укимов-65 кг. Жаҳонгир Зайниддинов-70 кг. Зулфиқор Адҳамжонов-75 кг. Суҳроб Раҳматуллаев-80 кг. Абробек Шарипов-85 кг. Сардорбек Баҳромхўжаев-90 кг. Асадбек Султонбоев+90 кг. Ислом Салихов</p><p>Мураббийлар: Хулио Ли Эчаварриа, Сирожиддин Наимов, Бахтиёр Тўрабоев, Икромжон Ходжаев.</p><p>Қизлар:</p><p>-48 кг. Мухтасар Алиева-51 кг. Назокат Мардонова-54 кг. Шодиёна Мелиқўзиева-57 кг. Робия Равшанова-60 кг. Севара Маматова-65 кг. Аселя Тулегенова-70 кг. Мафтуна Янгиёева-75 кг. Самира Туpғунова</p><p>Мураббийлар: Темур Ахбаев, Элдор Холматов, Нодиржон Иргашев, Фурқатжон Маматов.</p><p>Жамоа менежери: Мухтасар АбдумаликоваШифокор: Маҳмуд Юнусов</p> </article> <article> <h1>Флойд Мейвезер Райан Гарсияга қарши жанг учун рингга қайтиши мумкин</h1> <p>Thu, 15 Oct 2026 16:32:17 +0500</p> <p>Профессионал бокс тарихидаги энг машҳур чемпионлардан бири Флойд Мейвезер яна рингга қайтишни режалаштирмоқда. 49 ёшли америкалик боксчи WBC йўналишида яримўрта вазн чемпиони Райан Гарсияга қарши жанг ўтказиш имкониятини кўриб чиқмоқда. Томонлар ўртасида дастлабки музокаралар бошланган, бироқ ҳозирча расмий келишувга эришилмаган. Бу ҳақда FightHype нашри хабар бермоқда.</p><p>Манбага кўра, Мейвезернинг ўзи Гарсия билан боғланиб, унга жанг таклиф қилган. 28 ёшли боксчи ушбу чақирувга ижобий жавоб берган, аммо битта муҳим шартни илгари сурган. Гарсия кўргазмали жангда қатнашишни истамаяпти. У Мейвезернинг мағлубиятсиз рекордига хавф туғдирадиган расмий профессионал жанг ўтказилишини талаб қилмоқда. Гарсия ижтимоий тармоқлардаги баёнотида таклифни қабул қилишга тайёрлигини билдириб, якуний қарорни Мейвезернинг ўзи қабул қилиши кераклигини таъкидлаган.</p><p>Мазкур эҳтимолий тўқнашув бокс оламида турлича муносабатларга сабаб бўлди. Гарсиянинг промоутери Оскар Де Ла Хойя жангни ташкил этишга тайёрлигини, бироқ у фақат расмий профессионал баҳс сифатида ўтказилиши кераклигини айтди. Собиқ жаҳон чемпиони Амир Хон эса Мейвезернинг қарорини танқид қилиб, унинг ёш ва машҳур боксчи ҳисобига яна эътибор марказига қайтишга уринаётганини таъкидлади. Шунга қарамай, жангнинг санаси, манзили ва бошқа шартлари ҳозирча келишилмаган.</p><p>Маълумот учун, Флойд Мейвезер профессионал фаолиятида 50 та жанг ўтказиб, уларнинг барчасида ғалаба қозонган. Америкалик боксчи сўнгги расмий жангини 2017 йилда Конор Макгрегорга қарши ўтказиб, техник нокаут билан ғалаба қозонган эди. Шундан буён у бир неча бор кўргазмали жангларда қатнашган. Райан Гарсия эса айни пайтда WBC чемпионлик камарига эгалик қилмоқда. Агар томонлар келишувга эришса, Мейвезер қарийб ўн йиллик танаффусдан сўнг яна профессионал рингга қайтиши мумкин.</p> </article> <article> <h1>47 ёшли Мэнни Пакьяо машғулот вақтида рингда рақсга тушди - видео</h1> <p>Wed, 14 Oct 2026 14:56:23 +0500</p> <p>Саккизта вазн тоифасида жаҳон чемпиони бўлган филиппинлик афсонавий боксер Мэнни Пакьяо навбатдаги машғулотидан қизиқарли видеони мухлислари билан бўлишди. 47 ёшли спортчи рингда машқ қилиш билан бирга рақсга ҳам тушган.</p><p>Пакьяо машғулот жараёнидан олинган видеони ижтимоий тармоқлардаги саҳифасига жойлаштирган. Боксер видеога қуйидагича изоҳ қолдирган: “Ҳар бир машғулотдан завқ оламан. Бу оғир меҳнат, аммо мен ўз ишимни яхши кўраман. Яхши мусиқа янграётган бўлса, нега бироз рақсга тушмаслик керак?”</p><p>Видеода тажрибали боксер рингдаги машғулотларини давом эттираётгани ва мусиқа садолари остида рақс ҳаракатларини бажараётганини кўриш мумкин. Пакьяо шу тариқа 47 ёшида ҳам спорт билан мунтазам шуғулланаётганини намойиш этган.</p><p>Маълумот учун, Мэнни Пакьяо профессионал боксдаги фаолиятини 1995-йилда бошлаган. У 1998-йил декабрь ойида WBC йўналишида илк жаҳон чемпионлиги камарини қўлга киритган. Фаолияти давомида саккизта вазн тоифасида жаҳон чемпионига айланган филиппинлик боксер профессионал рингда 62 та ғалаба, 8 та мағлубият ва 3 та дуранг қайд этган.</p> </article> <article> <h1>Бокс. Осиё ўйинлари тарихи ёхуд барча ғолиб ва совриндорлар</h1> <p>Wed, 07 Oct 2026 20:37:58 +0500</p> <p>Осиё ўйинлари тарихи ёхуд барча ғолиб ва совриндорлар.</p><p>Куни кеча Япония мезбонлигидаги Осиё ўйинларининг тафти совумасдан туриб, биз ушбу қитъамизнинг энг нуфузли мусобақасида ғолиб ва совриндор бўлган боксчиларимиз билан таништириб ўтамиз.</p><p>Дарвоқе, Ўзбекистоннинг Осиё ўйинларидаги юриши ҳам айнан 1994 йил Японияда — Хиросимада бошланган эди.</p><p>“Хиросима-1994” (Япония)</p><p>Ушбу Ўзбекистон учун илк Осиё ўйинларида боксчиларимиз 2 та олтин ва 2 та бронза медалини қўлга киритиб, умумжамоа ҳисобида 4-поғонани эгаллаган.</p><p>Олтин медаль!</p><p>-91 кг:Алишер Авазбаев</p><p>Авазбаев финалда Саудия Арабистони вакили Юсуф Хавсафини мағлуб этган.</p><p>+91 кг:Олег Маскаев</p><p>Маскаев финалда эронлик Муҳаммад Ризони мағлуб этган.</p><p>Бронза медаль!</p><p>-67 кг:Наримон Отаев</p><p>-75 кг:Дилшод Йорбеков</p><p>“Бангкок-1998” (Таиланд)</p><p>Сиам юртида бўлиб ўтган Осиё ўйинларида вакилларимиз 3 та олтин, 4 та кумуш ва 2 та бронза медалини қўлга киритиб, умумжамоа ҳисобида 2-поғонани эгаллаган.</p><p>Олтин медаль!</p><p>-63,5 кг:Муҳаммадқодир Абдуллаев</p><p>Абдуллаев финалда индонезиялик Виллам Папилаяни мағлуб этган.</p><p>-81 кг:Сергей Михайлов</p><p>Михайлов финалда жанубий кореялик Ли Сен Бе устидан зафар қучган.</p><p>-91 кг:Руслан Чагаев</p><p>Чагаев финалда покистонлик Музаффар Иқбол Мирзани мағлуб этган.</p><p>Кумуш медаль!</p><p>-54 кг:Тимур Тўляков</p><p>-57 кг:Тўлқунбой Тўрғунов</p><p>-60 кг:Тимур Сулаймонов</p><p>-75 кг:Дилшод Йорбеков</p><p>Бронза медаль!</p><p>-67 кг:Наримон Отаев</p><p>+91 кг:Лазизбек Зокиров</p><p>“Пусан-2002” (Жанубий Корея)</p><p>Жанубий Корея мезбонлигидаги Осиё ўйинларида боксчиларимиз 5 та олтин, 1 та кумуш ва 3 та бронза медалини қўлга киритиб, умумжамоа ҳисобида етакчи бўлишган.</p><p>Олтин медаль!</p><p>-60 кг:Дилшод Маҳмудов</p><p>Маҳмудов финалда жанубий кореялик Пек Жон Сопни мағлуб этган.</p><p>-75 кг:Ўткирбек Ҳайдаров</p><p>Ҳайдаров финалда покистонлик Аҳмад Али Ханни мағлуб этган.</p><p>-81 кг:Икром Бердиев</p><p>Бердиев финалда мезбон Чхве Ги Сун устидан зафар қучган.</p><p>-91 кг:Сергей Михайлов</p><p>Михайлов финалда покистонлик Шавкат Алини мағлуб этган.</p><p>+91 кг:Рустам Саидов</p><p>Саидов финалда қозоғистонлик Мухторхон Дилдабековни таслим этган.</p><p>Кумуш медаль!</p><p>-54 кг:Беҳзод Хидиров</p><p>Бронза медаль!</p><p>-63,5 кг:Бахит Сарсекбаев ўшанда Ўзбекистон шарафини ҳимоя қилиб, бронза медаль олган эди. Унинг кейинчалик Қозоғистонга кўчиб кетиб, ушбу юрт шарафини ҳимоя қилганини биласиз. (Маълумот тариқасида.)</p><p>-67 кг:Шерзод Ҳусанов</p><p>-71 кг:Сирожиддин Наимов</p><p>“Доха-2006” (Қатар)</p><p>Ушбу йилги Осиё ўйинларида вакилларимиз 3 та олтин, 1 та кумуш ва 3 та бронза медалини қўлга киритиб, умумжамоа ҳисобида биринчи поғонадан ўрин эгаллаган.</p><p>Олтин медаль!</p><p>-57 кг:Баходиржон Султонов</p><p>Султонов финалда мўғулстонлик Энхзоригни мағлуб этган.</p><p>-75 кг:Элшод Расулов</p><p>Расулов финалда қозоғистонлик Бахтиёр Артаев устидан зафар қучган.</p><p>+91 кг:Рустам Саидов</p><p>Саидов финалда қозоғистонлик Мухтархон Дилдабековни мағлуб этган.</p><p>Кумуш медаль!</p><p>-91 кг:Жасур Матчонов</p><p>Бронза медаль!</p><p>-60 кг:Бекзод Хидиров</p><p>-64 кг:Дилшод Маҳмудов</p><p>“Гуанчжоу-2010” (Хитой)</p><p>Чин юртидаги Осиё ўйинларида боксчиларимиз 1 та олтин, 2 та кумуш ва 2 та бронза медалини қўлга киритиб, умумжамоа ҳисобида 4-ўринни эгаллашган.</p><p>Олтин медаль!</p><p>-81 кг:Элшод Расулов</p><p>Расулов финалда ҳиндистонлик Динеш Кумарни мағлуб этган.</p><p>Кумуш медаль!</p><p>-69 кг:Ўктамжон Раҳмонов</p><p>-75 кг:Аббос Атоев</p><p>Бронза медаль!</p><p>-60 кг:Хуршид Тожибоев</p><p>-64 кг:Санжарбек Раҳмонов</p><p>“Инчхон-2014” (Жанубий Корея)</p><p>Ушбу Осиё ўйинлари боксимиз тарихидаги энг омадсизи бўлганди. Вакилларимиз бирорта ҳам олтин медаль ола билмаган. Якунда 2 та кумуш ва 2 та бронза медали билан 8-ўринни эгаллаган.</p><p>Кумуш медаль!</p><p>-52 кг:Шаҳобиддин Зоиров</p><p>-69 кг:Исроил Мадримов</p><p>Бронза медаль!</p><p>-81 кг:Ойбек Мамазулунов</p><p>+91 кг:Мирзоҳид Абдуллаев</p><p>“Жакарта-2018” (Индонезия)</p><p>Бу галги Осиё ўйинларида боксчиларимиз 5 та олтин ва 2 та кумуш медалини қўлга киритиб, умумжамоа ҳисобида биринчи поғонадан ўрин олган.</p><p>Олтин медаль!</p><p>-52 кг:Жасурбек Латипов</p><p>Латипов финалда филиппинлик Роксен Ладонни мағлуб этган.</p><p>-56 кг:Миразизбек Мирзахалилов</p><p>Мирзахалилов финалда шимолий кореялик Жо Хё Намни мағлуб этган.</p><p>-64 кг:Иқболжон Холдоров</p><p>Холдоров финалда мўғулстонлик Чинзориг Баатарсухийн устидан зафар қучган.</p><p>-69 кг:Бобоусмон Ботуров</p><p>Ботуров финалда қозоғистонлик Асланбек Шимбергеновни мағлуб этган.</p><p>-75 кг:Исроил Мадримов</p><p>Мадримов финалда қозоғистонлик Абилхан Аманкул устидан ғалабага эришган.</p><p>Кумуш медаль!</p><p>-49 кг:Ҳасанбой Дўсматов</p><p>-60 кг:Шунқор Абдурасулов</p><p> </p><p>“Ханчжоу-2023” (Хитой)</p><p>Хитойда ўтган ушбу Осиё ўйинларида вакилларимиз 3 та олтин ва 2 та бронза медалини қўлга киритиб, умумжамоа ҳисобида Хитойдан кейин 2-поғонани забт этган.</p><p>(Эркаклар терма жамоамиз тенгсиз бўлган. Хитой терма жамоаси 4 нафар аёл боксчисининг олтин медали ҳисобига биринчи поғонани эгаллаган.)</p><p>Олтин медаль!</p><p>-51 кг:Ҳасанбой Дўсматов</p><p>Дўсматов финалда тайландлик Титисан Панмод устидан зафар қучган.</p><p>-57 кг:Абдумалик Халоков</p><p>Халоков финалда япониялик Шудай Харадони мағлуб этган.</p><p>+92 кг:Баходир Жалолов</p><p>Жалолов финалда Қамшибек Кўнқабоевни мағлуб этган.</p><p>Бронза медаль!</p><p>-80 кг:Тўрабек Ҳабибуллаев</p><p>-54 кг:Нигина Ўктамова</p><p>2026 йилги Осиё ўйинларидаги натижалардан эса бохабарсиз. Хуллас, Японияда бошланган Осиё ўйинларидаги юришимиз ҳозирча Японияда якунланиб турибди. Натижалар эса гувоҳи бўлганингиздек... Яна 4 йилдан кейин эҳтимол янги рекордлар қайд этилар!</p> </article> <article> <h1>Осиё ўйинларида юқори натижаларга эришган боксчиларимиз тантанали равишда тақдирланди</h1> <p>Fri, 02 Oct 2026 21:41:33 +0500</p> <p>Осиё ўйинларида юқори натижаларга эришган боксчиларимиз тантанали равишда тақдирландиЯпонияда ўтказилаётган XX Осиё ўйинларида бокс бўйича муносиб натижаларни қайд этган спортчиларни тантанали тақдирлаш маросими бўлиб ўтди.Мусобақада юртимиз шарафини муносиб ҳимоя қилган Абдумалик Халоковга олтин, Жаҳонгир Зокировга кумуш, Фазлиддин Эркинбоевга эса бронза медаллари топширилди.Тақдирлаш маросимида Ўзбекистон Республикаси спорт вазири Адҳам Икрамов, Ўзбекистон Миллий олимпия қўмитаси раиси биринчи ўринбосари Отабек Умаров, МОҚ Бош котиби Ойбек Касимов, Ўзбекистон бокс федерацияси раиси биринчи ўринбосари Сакен Полатов иштирок этди.Мутасаддилар боксчиларни Осиё ўйинларида эришган натижалари билан қизғин муборакбод этиб, уларга келгуси мусобақаларда ҳам улкан зафарлар тилади.</p> </article> <article> <h1>Энтони Джошуа Тайсон Фьюрини биринчи раунддаёқ нокаут қилишни режалаштирмоқда</h1> <p>Fri, 02 Oct 2026 17:47:00 +0500</p> <p>Британиялик оғир вазн боксчиси Энтони Джошуа Тайсон Фьюрига қарши бўлажак жанг учун дадил прогноз берди. Икки карра собиқ жаҳон чемпионининг айтишича, у рақибини муддатидан олдин мағлуб этишни мақсад қилган ва нокаут ҳатто биринчи раунддаёқ юз бериши мумкин.</p><p>“Ростини айтсам, нокаут кутяпман. Бу ҳатто биринчи раундда ҳам содир бўлиши мумкин”, — деди Джошуа Sky Sports News’га берган интервьюсида. Боксчи бу шунчаки тахмин эмаслигини, айнан шундай жанг режасига эга эканини ҳам тасдиқлади.</p><p>Джошуа ва Фьюри 11-декабрь куни Кардиффдаги “Principality Stadium”да рингга кўтарилади. Уларнинг жанги британиялик икки машҳур оғир вазн вакили ўртасида қарийб ўн йил давомида кутилган қарама-қаршиликка нуқта қўяди. Боксчилар 30-сентябрь куни Лондонда жанг олдидан илк бор юзма-юз келишди.</p><p>Маълумот учун, 36 ёшли Джошуа профессионал фаолиятида 27 та жангни нокаут билан якунлаган. 38 ёшли Фьюри эса фаолияти давомида ҳали бирор марта нокаут билан мағлуб бўлмаган. Шу сабаб Джошуанинг биринчи раунддаги нокаут ҳақидаги баёноти жанг олдидан катта қизиқиш уйғотди.</p> </article> </main></body></html>