Ўзбекистон ўсмирлар дзюдо терма жамоасида янги бош мураббий — у румыниялик мутахассис
Румыниялик дзюдо мураббийи Аурелиан-Чиприан Флис Ўзбекистон ўсмирлар терма жамоасига бош мураббий сифатида тайинланди. У рўйхатдан ўтган ҳолда расман мураббий сифатида таништирилди — бу танишув ҳозирда Деновда мусобақаларга тайёргарлик кўраётган ўсмирлар термаси билан учрашув пайтида бўлиб ўтди.
44 ёшли Флис мураббийлик фаолияти давомида Румыния, Озарбайжон ва Мальтада ишлаган. У дунёда машҳур бўлган япон дзюдо институти — Кодокан аъзоси ҳисобланади ва 5-ДАН қора белбоғ соҳиби. У бир нечта машҳур мактабларда дзюдо бўйича таълим олган. Унинг қўл остида Катринa Эспозито (48 кг гача) Мальтанинг Олимпиадада иштирок этган илк дзюдочисига айланди (Париж-2024).
Аурелиан-Чиприан Флис ўсмирлар терма жамоаси билан ишлаш билан бирга, аёллар терма жамоаси машғулотларини ташкил этишда ҳам координатор сифатида ёрдам беради.
