Ўзбекистон Республикаси Спорт вазирлигида Корея Паралимпия қўмитаси президенти билан учрашув бўлиб ўтди

Бошқа спорт турлари 09 апр 2025 да 03:27

Бакрадзе Иман

Корея Паралимпия қўмитаси президенти Жин Ован Юн раҳбарлигидаги делегация Ўзбекистонга ташриф буюриб, мамлакатимиздаги Миллий паралимпия қўмитасининг фаолияти билан танишиш ва тажриба алмашиш мақсадида келди.

Ташрифнинг биринчи кунида делегация аъзолари Спорт вазирлигида бўлишди.
Вазир Адҳам Икрамов, Осиё Паралимпия қўмитаси вице-президенти ҳамда Ўзбекистон Миллий паралимпия қўмитаси раиси Мухторхон Ташходжаев иштирокидаги учрашувда президент томонидан мамлакатимизда паралимпия спорт турларини ривожлантиришга қаратилаётган алоҳида эътибор муҳокама қилинди. Ўзбекистонлик параспортчилар томонидан халқаро нуфузли мусобақаларда эришилган ютуқлар алоҳида қайд этилди.

Шунингдек, учрашув доирасида Ўзбекистон ва Корея Паралимпия қўмиталари ўртасида ҳамкорликни янада мустаҳкамлаш ва янги босқичга олиб чиқиш мақсадида ҳамкорлик тўғрисида меморандум имзоланди.