Ўзбекистон эркаклар регби-7 терма жамоаси Коломбода ўқув-машғулот йиғинини ўтказмоқда
2-октябрдан бошлаб Ўзбекистон эркаклар регби-7 миллий терма жамоаси Коломбо (Шри-Ланка) шаҳрида ўқув-машғулот йиғинини ўтказмоқда.
Ушбу йиғин 18–19 октябрь кунлари Коломбода бўлиб ўтадиган Asia Rugby Emirates Men’s 7s Series халқаро турнирига тайёргарлик доирасида ташкил этилган.
Йиғиннинг асосий мақсади — жисмоний тайёргарликни ошириш, ўйин комбинацияларини ва жамоавий ўйин уйғунлигини такомиллаштириш, шунингдек, муҳим қитъа мусобақалари олдидан Шри-Ланка иқлимига мослашишдан иборат.
Терма жамоа бош мураббийи таъкидлашича, жамоа муносиб натижа кўрсатиш ва Ўзбекистон регбисининг халқаро майдондаги ривожини намойиш этишга қатъий бел боғлаган.
“Йигитлар тўлиқ фидойилик билан машғулот ўтказишяпти, ва биз ишонамизки, бу турнирда Ўзбекистон номини муносиб ҳимоя қиламиз,” — деди миллий терма жамоа мураббийи.
Йиғин ўтказилаётган жой: Коломбо, Шри-Ланка
Турнир санаси: 2025-йил 18–19 октябрь
Турнир номи: Asia Rugby Emirates Men’s 7s Series
Терма жамоа таркиби:
Ўйинчилар:
Суннат Мухаметдинов
Азизхон Нуриллаев
Илья Соколов
Сергей Соколов
Олимжон Тулаганов
Негматов Темур
Махмуд Каландаров
Собиржон Холиқулов
Абдулазиз Нуралиев
Дилшодбек Ибрагимов
Асадбек Олланазаров
Жахонгир Абдукодиров
Санжарбек Бахтиёров
Мураббийлар:
Асад Гулямов
Данил Куликов
Ай'и Орене
