Ўзбекистон эркаклар қиличбозлик жамоаси Жакартада бўлиб ўтган Осиё чемпионатида кумуш медални қўлга киритди
Ўзбекистон эркаклар қиличбозлик жамоаси Жакартада бўлиб ўтган Осиё чемпионатида кумуш медални қўлга киритди
Жакартада қиличбозлик бўйича Осиё чемпионати ўз ниҳоясига етди. Ўзбекистон эркаклар қиличбозлик жамоаси юқори маҳорат кўрсатиб, жамоавий баҳсларда кумуш медалларни қўлга киритди ва қитъанинг энг кучли жамоаларидан бири сифатидаги мавқеини тасдиқлади.
Турнирда Осиё мамлакатларидан 15 та терма жамоа, жумладан, Гонконг, Сингапур, Тайван, Индонезия ва бошқа жамоалар иштирок этди.
Ўзбекистон терма жамоаси таркибида:
Алпамис Уракбаев, Сардор Абдукаримбеков, Азизбек Каримбаев ва Артур Бегжанов.
Шоҳсунага йўл
1/8 финалда Ўзбекистон қиличбозлик жамоаси Австралия жамоасини 45-40 ҳисобига ишончли тарзда мағлуб этди.
Ярим финалда жамоа тактик тайёргарлик ва жамоавий ишни намоён қилиб, Гонконг жамоасини 45-34 ҳисобига мағлуб этди.
Хитой жамоасига қарши финал ўйини кескин курашларга бой бўлди, натижа том маънода ҳар бир очкода ҳал қилинди. Ўзбекистонлик спортчилар ғалаба қозониш учун характер ва қатъият кўрсатишди, аммо кичик фарқ билан мағлуб бўлишди.
Якуний натижа:
1-ўрин – Хитой
2-ўрин – Ўзбекистон
3-ўрин – Корея Республикаси
3-ўрин – Гонконг
Спортчилар ва мураббийлар штабини табриклаймиз ва уларга халқаро майдонда муваффақиятлар тилаймиз!
