Ўзбекистон – 2029 йилги Ислом бирдамлиги ўйинлари мезбонлигига номзод
57 та давлатнинг 4000 нафардан зиёд спортчиси жами 18 та, 13 та олимпия ва 5 та ноолимпия турларида беллашадилар.
Бошқа спорт турлари
Sports24.uz'ни Google'га қўшиш
photo: Google
Ўзбекистон – 2029 йилги Ислом бирдамлиги ўйинлари мезбонлигига номзод
Маълумки, жорий йилнинг 7–21 ноябрь кунлари Саудия Арабистонининг Ар-Риёд шаҳрида VI “Ислом бирдамлиги” ўйинлари бўлиб ўтади. Унда 57 та давлатнинг 4000 нафардан зиёд спортчиси жами 18 та, жумладан, 13 та олимпия ва 5 та ноолимпия спорт турларида беллашади.
Бир неча кун аввал, Халқаро Ислом бирдамлиги спорт ассоциацияси (ISSA) 2029 йили бўлиб ўтадиган VII “Ислом бирдамлиги” ўйинларини ўтказишга номзод мамлакатлар номини эълон қилди. Мазкур мусобақага Ўзбекистон, Малайзия ва Эрон даъвогар эканлиги таъкидланган.
Яқин орада ISSA комиссияси юқорида номлари қайд қилинган уч давлатга ташриф буюриб, у ердаги спорт иншоотлари ва инфратузилмасини ўрганиб чиқади.
Иброҳим Жалолов
Редактор