Волейбол. Навбатдаги ўқув-йиғин машғулотидан лавҳалар

2009–2010 йилларда туғилган қизлар терма жамоаси учун навбатдаги ўқув-йиғин машғулотлари старт олди.

Машғулотлар тажрибали мураббий Рустам Алламбердиев раҳбарлигида Тошкент шаҳридаги “Жар” спорт-соғломлаштириш марказида 20-февралдан 5-мартга қадар давом этади.

Йиғин давомида спортчиларнинг техник ва тактик тайёргарлигини такомиллаштириш, жамоавий уйғунликни мустаҳкамлаш ҳамда мусобақаларга пухта ҳозирлик кўриш асосий мақсад этиб белгиланган. Бу ёш волейболчиларнинг маҳоратини ошириш ва уларни юқори даражадаги мусобақаларга тайёрлаш йўлидаги муҳим босқичлардан биридир.

Иброҳим Жалолов

Редактор