У ерлик эмас: Макгрегор Шевченкога таъриф берди
UFC 315 турнирининг асосий жангига умуман эътибор бермаган Конор Макгрегор оқшомнинг иккинчи муҳим жанги ҳақида фикр билдирди. Ирландиялик аралаш яккакураш устаси ушбу жангда энг енгил вазн тоифасида франциялик Манон Фиоро устидан ғалаба қозониб, чемпионлик камарини муваффақиятли ҳимоя қилган Валентина Шевченкога таҳсин айтди.
"Валентина Шевченконинг "ўқи" ("пуля") ўта ғайритабиий! Ажойиб жангчи аёл. Мен учун у тарихдаги энг буюк жангчи аёл. У ўз лақабини оқлайди - у "қурол"га муккасидан кетган," - деб ёзди ирландиялик ижтимоий тармоқда Валентина иштирокидаги бир нечта видеоларни, жумладан, унинг тирда ўқ узганини қўйиб.
Маълумот учун, беш раунд тўлиқ давом этган чемпионлик жангида Шевченко даъвогар Фиорони ҳакамларнинг якдил қарори билан мағлуб этганди. Уччала ҳакам ҳам бир овоздан 48-47 ҳисобидаги ғалабани Қирғиз Республикаси вакиласига берганди.
