Тошкентда дрифт бўйича Марказий Осиё очиқ кубоги босқичига старт берилди
Тошкентда дрифт бўйича Марказий Осиё очиқ кубоги босқичига старт берилди.
Тантанали очилиш маросимида Ўзбекистон Республикаси Спорт вазири Адҳам Икрамов, Миллий Олимпия қўмитаси Бош котиби Ойбек Қасимов, Миллий автоспорт ва картинг федерацияси (НАФКУ) раҳбарияти ҳамда меҳмонлар иштирок этишди.
Пойгаларда Ўзбекистон, Латвия, Россия, Қозоғистон, Қирғизистон ва Японияддан 28 та машина иштирок этмоқда. Шунингдек, тадбир доирасида ҳалқалардаги рақамли пойгалар (eSports GT3) бўйича Ўзбекистон чемпионатининг босқичи ҳам бўлиб ўтмоқда.
Очилиш маросимида сўзга чиққан расмийлар Ўзбекистонда автомобил спорти жадал ривожланиб бораётганини алоҳида таъкидладилар.
Мусобақа FIA халқаро спорт кодексига мувофиқ равишда ташкил этилмоқда. Расмийлар мусобақа иштирокчиларига омад, ёрқин ғалабалар ва юксак натижалар тиладилар. Шунингдек, пилотлар паради ва финал чиқишларига старт берилди.
Мусобақа 31-майгача CAEx кўргазмалар марказида ўтказилмоқда.
