Тхэквондо WT бўйича ёшлар ўртасидаги жаҳон чемпионатининг очилиш маросими бўлиб ўтди
Ёдда қоларли бадиий чиқишларга бой бўлган тадбирда Бутунжаҳон тхэквондо федерацияси (World taekwondo), Бирлашган кураш дунёси (UWW) ва юртимиз расмийлари иштирок этишди.
Хусусан, унда сўз олган Ўзбекистон МОҚ раиси биринчи ўринбосари Отабек Умаров ушбу мусобақа Олимпия шаҳарчасида ташкил этилган дастлабки жаҳон чемпионати сифатида тарихда қолишини, юртимизда тхэквондо йилдан-йилга ёшларнинг севимли спорт турларидан бирига айланиб бораётгани ҳақида тўхталиб ўтди.
Эслатиб ўтамиз, бу йилги дунё биринчилигида 115 та мамлакатдан 1000 нафарга яқин спортчи иштирок этмоқда. Тантанали маросимдан сўнг биринчи куннинг финал блокидан ўрин олган беллашувларга навбат берилди.
Унда +78 кг вазн тоифасида иштирок этган ҳамюртимиз Алишер Пак чемпионлик баҳсида иштирок этди. Бироқ у Жанубий Корея вакилига имкониятни бой берди ва кумуш медаль билан тақдирланди.
