Таэквондо. Кадетлар ўртасидаги ЖЧ. Мусобақанинг учинчи куни учун тақвимимиз маълум
12-май куни Фужайра шаҳридаги "Zayed Complex" мажмуасида (БАА) таэквондо WT бўйича кадетлар ўртасидаги Жаҳон чемпионатининг учинчи кунидан ўрин олган жанглар ташкил этилади. Эртанги кун давомида йигитлар 45 кг, +65 кг, қизлар эса 47 ва 51 кг вазн тоифаларида баҳс олиб боришади, шунингдек терма жамоамиз аъзолари ҳам иштирок этишади.
Жуфтликлар қуйидагича:
Йигитлар:
45 кг вазнда 1/16 финал босқичи: Максим Ким - Ачим Ресимо (Филиппин)/Маркус Лам (Канада) баҳси ғолибига қарши;
+65 кг вазнда 1/16 финал босқичи: Дашук Ратмир - Амин Муҳаммедзаде (Эрон).
Қизлар:
47 кг вазнда 1/32 финал босқичи: Нозима Тангирова - Хор Хлойе Спенсер (Австралия);
51 кг вазнда 1/32 финал босқичи: Маҳбуба Мўминова - Риад Талине Велли (Фаластин).
Беллашувлар Тошкент вақти билан 10:00 да бошланади.