Швейцариянинг Нотвилл шаҳарчасида пара енгил атлетика бўйича халқаро Гран-при мусобақаси ниҳоясига етди
Пара енгил атлетика: Нотвилл Гран-присида 19 та медаль қўлга киритилди
Швейцариянинг Нотвилл шаҳарчасида пара енгил атлетика бўйича халқаро Гран-при мусобақаси ниҳоясига етди. Уч кун давом этган беллашувларда дунёнинг 58 та мамлакатида 450 нафар атлетлар, хусусан, юртдошларимиз ҳам баҳс олиб боришди.
Мусобақанинг сўнгги кунида терма жамоамиз аъзолари 2 та олтин, 1 та кумуш ва 2 та бронза медалларига эга чиқишди.
Олтин:
Бобур Омонўв (F41 класи, ядро улоқтириш)
Қудратуллохон Маъруфхўжаев (F37 класи, ядро улоқтириш).
Кумуш:
Анора Суфиева (T47 класи, узунликка сакраш).
Бронза:
Ёқутхон Холбекова (T12 класи, найза улоқтириш)
Баротжон Бахтиёров (T36 класи, ядро улоқтириш).
Шундай қилиб, пара енгил атлетикачиларимиз Нотвилл Гран-присини 6 та олтин, 3 та кумуш ва 10 та бронза, умумий ҳисобда 19 та медаль билан якунлади.
