Salesforce ФИДE Жаҳон Чемпионати 2026: Сана, Формат ва Мукофот Жамғармаси Тасдиқланди
Salesforce ФИДE Жаҳон Чемпионати 2026: Сана, Формат ва Мукофот Жамғармаси Тасдиқланди
ФИДE амалдаги жаҳон чемпиони Гукеш Д ва даъвогар — ҳамюртимиз Жавоҳир Синдаров ўртасидаги жаҳон чемпионати учрашувининг расмий регламенти, ўтказилиш жойи, тақвими ва мукофот жамғармасини тасдиқлади. Мазкур нуфузли учрашув Швейцариянинг Женева шаҳридаги Мартин Бодмер жамғармаси музейида 2026-йилнинг 22-ноябридан 13-декабрига қадар бўлиб ўтади. Бу шахмат бўйича жаҳон чемпионати баҳсларини 2004-йилдан бери илк бор Швейцарияга қайтаради.
Мусобақа дастури 22-ноябрь куни очилиш маросими билан бошланиб, илк классик ўйин 24-ноябрга белгиланган. Сўнгги классик партия 11-декабрда ўтказилади, зарурият туғилганда эса тай-бреклар 12-декабрга кўзда тутилган. Гукеш Д ҳам, Жавоҳир Синдаров ҳам учрашув бошланишида 20 ёшда бўладилар, бу эса шахмат тарихидаги энг ёш жаҳон чемпионати мусобақаси бўлишини таъминлайди. Шунингдек, Жавоҳир Синдаров Ўзбекистон тарихида мутлақ жаҳон чемпионати унвони учун ўйин йўлланмасини қўлга киритган илк шахматчидир.
Учрашув кўпи билан 14 та классик ўйиндан иборат бўлиб, 7.5 очкога етган биринчи ўйинчи чемпионлик унвонини қўлга киритади. Агар ҳисоб тенг келса, ғолиб тай-бреклар орқали аниқланади. Турнирнинг умумий мукофот жамғармаси 2,5 миллион АҚШ долларини ташкил этади.
