Нурсултон Рўзибоев рақибига мурожаат билан чиқди
Бошқа спорт турлари
Бакрадзе Иман
Редактор
Расм: gettyimages.com
Кеча, 18 май куни Лас-Вегасда бўлиб ўтган UFC Fight Night турнири доирасида ўзбекистонлик жангчи Нурсултон Рўзибоев навбатдаги ғалабасини қўлга киритди.
Аралаш яккакураш устамиз жангда америкалик Дастин Штольцфусни очколар ҳисобига кўра мағлуб этди. Рўзибоев жангдан сўнг ижтимоий тармоқдаги саҳифасига сурат жойлаб, унга қисқача изоҳ қолдирди:
«Respect, uzurda uka!» — деб ёзди у смайлик билан.
Жангдан сўнгги интервюда Рўзибоев рақибини юқори баҳолади:
«Штольцфус кутганимдан анча яхши ҳаракат қилди. Жангни эртароқ якунлашни истаган эдим, аммо бу сафар имконият бўлмади. Айланиб тепиш зарбаларини ишлатдим — кучли бўлмаса-да, мақсадга етди», — деди ўзбекистонлик спортчи.