\"Нефтчи\" ва \"Қизилқум\" жамоалари ўйини олдидан стадион кириш эшикларидан бирида содир бўлган тартибсизлик юзасидан расмий ахборот берилди
"Нефтчи" ва "Қизилқум" жамоалари ўйини олдидан стадион кириш эшикларидан бирида содир бўлган тартибсизлик юзасидан расмий ахборот
Маълум бўлишича, жорий йилнинг 22 ноябр куни Фарғона шаҳридаги “Истиқлол” стадионида бўлиб ўтиши режалаштирилган "Нефтчи"-"Қизилқум" футбол ўйини бошланишидан аввал, стадионнинг 2-сон назорат ўтиш жойида фуқаролар тартиб билан ҳудудга киритилаётган вақтда, бир нечта чиптасиз шахслар стадионга ноқонуний киришга уриниб, темир тўсиқларни олиб ташлаб, ходимларнинг қонуний талабларига бўйсунмасликка ҳаракат қилишган.
Жамоат тартибини сақлашга жалб этилган ходимларнинг тезкор ва қатъий чоралари натижасида тартиббузарларнинг ҳаракатига чек қўйилди.
Ҳозирда мазкур тартибсизликни уюштиришда гумонланган барча фуқароларнинг шахси аниқланган бўлиб, уларнинг ҳаракатларига қонуний баҳо бериш мақсадида суриштирув ҳаракатлари олиб борилмоқда.
