Крилов мураббийсиз қолди: у Гусков билан жангни якка ўзи қабул қилган
UFC фахрийси Никита Крилов жорий йилнинг 26 июл куни Абу-Дабида бўлиб ўтадиган турнирда ҳамюртимиз Богдан Гусковга қарши октагонга чиқади. Бироқ у бу жангга ўз мураббийларининг розилигисиз розилик берган.
“Рат” жанг клуби раҳбари Александр Скаредин бунга муносабат билдириб, қуйидагиларни айтди:
— Крилов энди бизнинг жамоамизда эмас. У билан хайрлашишимизга иқтисодий сабаблар бор. У Гусков билан жангни биз билан маслаҳатлашмасдан қабул қилди. Аслида, биз ундай жангни хоҳламасдик, чунки у ҳали тўлиқ тикланмаган, унга камида олти ой вақт керак.Скарединнинг сўзларига кўра, Крилов UFCда катта тажрибага эга бўлган жангчи ва фаолиятининг охирига яқинлашмоқда:
— Ҳар кимнинг ўз ҳақиқати бор. Унинг йўли шу тарзда давом этмоқда. Биз унга фақат омад тилаймиз, лекин бу — унинг танлови, — деди у.
Эслатиб ўтамиз, Богдан Гусковнинг жанголди рекорди 17 ғалаба ва 3 мағлубият, Крилов эса 30 ғалаба ва 10 мағлубият билан октагонга чиқади.
