Ислом бирдамлиги ўйинларида иштирок этган паралимпиячиларимиз Ватанга қайтишди

7-21 ноябрь кунлари давомида Саудия Арабистонининг Ар-Риёд шаҳрида VI Ислом бирдамлиги ўйинлари комплекс мусобақаси ташкил этилди.

Унда иштирок этган Ўзбекистон делегацияси 29 та олтин, 35 та кумуш ва 32 та бронза медаллари билан 57 мамлакат орасида умумжамоа ҳисобида иккинчи ўринни эгаллади. Аҳамиятлиси, ушбу нуфузли мусобақада паралимпиячиларимиз ҳам муносиб иштирок этишди.

Бугун матонатли спортчиларимиз Ватанга қайтишди. Уларни Ислом Каримов номидаги Тошкент халқаро аэропортида Ўзбекистон Миллий Паралимпия қўмитаси мутасаддилари, ОАВ вакиллари ва кенг жамоатчилик кутиб олди.

Иброҳим Жалолов

Редактор