Қиличбозлик бўйича Жаҳон кубоги мусобақасининг очилиш маросими ўтказилди
Мусобақа аёллар ўртасида ўтказилади.
Бошқа спорт турлари
Sports24.uz'ни Google'га қўшиш
Фото: Спорт вазирлиги
Пойтахтимизда жойлашган Олимпия шаҳарчасидаги "Ўйин турлари спорт мажмуаси"да спортнинг қиличбозлик турининг сабля йўналиши бўйича катталар (аёллар) ўртасида Жаҳон кубоги мусобақаси ўтказилмоқда.
Бугун мусобақанинг тантанали очилиш маросими бўлиб ўтди. Очилиш маросимида Спорт вазири ўринбосари Шахрилло Махмудов, Халқаро қиличбозлик федерацияси Бош котиби Гулнора Саидова, Қиличбозлик федерацияси раиси Мақсуд Абдусаматовлар иштирок этди.
Мазкур нуфузли мусобақа орқали юртимизда қиличбозлик спорт турига бўлган эътибор янада ортиб бораётгани, спортчиларимиз учун халқаро майдонда тажриба орттириш ва ўз маҳоратини намойиш этиш учун кенг имкониятлар яратилаётгани алоҳида таъкидланди.
Розикжон Султонмуродов
Журналист