Қиличбозларимиз Ўқув-машғулот йиғинида
Айни кунларда пойтахтимизда жойлашган қиличбозлик залларида Ўзбекистон миллий терма жамоаси (ёшлар ва катталар) навбатдаги ўқув-машғулот йиғинларини олиб бормоқда.
Айниқса, сабля йўналишидаги машғулотларда спортчиларнинг жисмоний тайёргарлигига алоҳида эътибор қаратилмоқда.
Куч, тезлик ва чидамлиликни оширишга қаратилган машқлар орқали қиличбозларимиз янада юқори спорт формасига чиқиш йўлида астойдил меҳнат қилмоқда.
Олдинда эса уларни нуфузли Жаҳон кубоги босқичлари ва жаҳон чемпионати каби масъулиятли мусобақалар кутмоқда. Бу эса ҳар бир спортчидан максимал даражада тайёргарлик ва ирода талаб қилади.
Ишонамизки, терма жамоамиз аъзолари халқаро майдонларда юртимиз шарафини муносиб ҳимоя қилиб, мухлисларимизни ёрқин ғалабалар билан хурсанд этади!
