FEI Awards Gala 2025 Гонконгда: Том Вахман, Жастин Вербумен ва Санне Мелсен йилнинг энг яхшилари деб топилди
FEI Awards Gala 2025 Гонконгда: Том Вахман, Жастин Вербумен ва Санне Мелсен йилнинг энг яхшилари деб топилди.
2025 йил 7-ноябр куни Гонконгдаги Ritz-Carlton меҳмонхонасида FEI Awards Gala 2025 бўлиб ўтди. Маросим Longines компанияси кўмагида ташкил этилди ва от спорти оламининг етакчи вакилларини бир жойга тўплади.
Longines FEI Rising Star Award — 20 ёшли ирландиялик Том Вахманга берилди. У уч карра Европа чемпиони бўлиб, Ирландия терма жамоаси билан жорий йили Германияда кумуш медал қўлга киритди.
Peden Bloodstock FEI Best Athlete Award — бельгиялик отчи Жастин Вербуменга насиб этди. У оти Zonik Plus билан Францияда ўтган Европа чемпионатида икки марта олтин медал қўлга киритди ва Бельгияни тарихда илк бор FEI Dressage World Ranking 2025 рейтингда етакчига айлантирди.
Cavalor FEI Best Groom Award — Санне Мелсенга топширилди. У бельгиялик отчи Жил Томас жамоасидаги профессионаллиги, хотиржамлиги ва отларга бўлган меҳр-муҳаббати билан эътироф этилди.
FEI Inspire Award — Beat as One – Stable Management Challenge ташаббусига берилди. Лойиҳада Шанхайдаги ёш отчилар от парвариши орқали масъулият ва фахр руҳида тарбияланмоқда.
Манба: The FEI Awards Gala 2025
