Дзюдо. Осиё чемпионатини 10 та медаль билан якунладик
Мусобақанинг сўнгги куни Париж-2024 Олимпиадаси совриндори Алишер Юсупов жамоамизга олтин медаль тақдим этди.
Шу тариқа, Ўзбекистон терма жамоаси 1 та олтин, 3 та кумуш, 6 та бронза, жами 10 та медаль билан Осиё чемпионатининг яккалик баҳсларидаги иштирокини якунлади.
Эътиборлиси, Ўзбекистон спорт делегацияси Осиё чемпионати иштирокчи давлатлари орасида энг кўп медалга эга чиқди.
Эртага қитъа биринчилигида аралаш жамоавий беллашувлар ўтказилади.
Олтин медаль
+100 кг: Алишер Юсупов
Кумуш медаллар
-48 кг: Лазиза Ҳайдарова
-52 кг: Сита Қадамбаева
-70 кг: Ширинжон Йўлдошева
Бронза медаллар:
-60 кг: Самариддин Қўчқоров
-70 кг: Хуршида Раззоқбердиева
-78 кг: Барчиноя Қодирова
-100 кг: Эрназар Сарсенбаев
+78 кг: Умида Ниғматова
+100 кг: Муаззафарбек Тўрабоев
