Доминикан Республикаси бўйлаб Миллий Кураш куни кенг нишонланди
Доминикан Республикаси бўйлаб Миллий Кураш куни кенг нишонланди
2026 йил 23-февралда Миллий Кураш куни бутун Доминикан Республикасида кенг миқёсда нишонланди. Ушбу тадбир доирасида маърузалар, оммавий фестиваллар, ҳакамлик ва мураббийлик семинарлари, шунингдек, Доминикан Кураш Федерацияси (Fedokurash) таркибига кирувчи минтақавий ассотсиациялар иштирокида учрашувлар ташкил этилди.
2018 йилдан бери 23-февраль Федерация ташкил этилган кунни нишонлайдиган Миллий Кураш куни сифатида нишонланиб келинмоқда. Миллий ҳукумат кўмагида Федерациянинг Директорлар қўмитаси барча минтақаларда изчил амалга оширилаётган кенг қамровли тадбирлар дастурини ишлаб чиқди.
1998 йилдан бери фаолият юритиб келаётган Fedokurash бугунги кунда мамлакатнинг бир нечта вилояларида филиалларга эга ва Курашни ривожлантириш учун кучли ташкилий тизимни яратди. Натижада, ушбу спорт тури Доминикан Республикасида изчил ривожланиб бормоқда.
“Биз 2004 йилда Панамерика чемпионатига ва 2006 йилда ўсмирлар ўртасидаги жаҳон чемпионатига мезбонлик қилдик”, деди Федерация президенти доктор Исраэл Агустин Карабалло Хименес. “Бир неча йиллардан бери мамлакатимиз мунтазам равишда Панамерика чемпионатларига мезбонлик қилиб келмоқда. Бундан ташқари, миллий чемпионатлар, шунингдек, ҳакамлик ва мураббийлик курслари мунтазам равишда ташкил этилади.”
