Автоспорт. Мухаммад Бен Сулайем: Бу мусобақа - оддий пойга эмас
FIA Президенти - тарихдаги илк FIA Karting Arrive & Drive World Cup 2025 ҳақида фикр билдирди.
"Малайзияда бу қадар кўп иштирокчини кўриб, фахрланаман. Бу мусобақа - оддий пойга эмас. Бу - автоспортнинг келажаги. Дунёнинг турли бурчакларидан келган 100 дан ортиқ ҳайдовчи иштирок этмоқда. Бу Жаҳон Кубоги янги авлод пойгачиларининг ранг-баранглиги, иштиёқи ва улкан салоҳиятини намоён этади.
107 нафар пойгачи, 50 хил миллат. FIA Arrive & Drive World Cup’нинг дебюти ҳақиқатан ҳам глобал миқёсда.
Мусобақада қатнашиш учун ҳайдовчиларни номзод сифатида кўрсатган FIA аъзолик федерацияларига миннатдорчилик билдирамиз.
Биргаликда биз тўсиқларни камайтирмоқдамиз ва автоспортга кириш имкониятларини кенгайтирмоқдамиз",- деди FIA Президенти, Мухаммад Бен Сулайем.
