2026 йил волейбол мавсуми йирик мусобақа билан бошланади
Жорий йилнинг 22–29-январ кунлари эркаклар ўртасида Ўзбекистон чемпионати — Олий лига, 1-тур баҳслари бўлиб ўтади. Ушбу мусобақа 2026-йилги волейбол мавсумининг илк ва энг муҳим турнири сифатида алоҳида аҳамият касб этади. Мусобақа ўйинлари Олимпия шаҳарчаси жамоавий спорт турлари зали ҳамда “Жар” спорт-соғломлаштириш марказида ўтказилади.
Мусобақа қуйидагича бўлиб ўтади:
- 21 январ куни жамоалар ўртасида қуръа ташлаш маросими бўлади,
- 22 январдан эса расмий учрашувлар старт олади.
- 24 январ куни Олимпия шаҳарчасида чемпионатнинг тантанали очилиш маросими ташкил этилади. Унда Осиё волейбол конфедерацияси (AVC) Президенти Рамон Сузаранинг расмий ташрифи кутилмоқда. Мазкур ташриф мусобақанинг нуфузи ва халқаро миқёсидаги аҳамиятини янада оширади.
Жорий мавсумда илк маротаба баҳслар “challenge” тизими ёрдамида ўтказилиб, турнир давомида ҳаққонийлик ва шаффофликни юксак савияда таъминланади.
