НХЛ Александр Овечкиннинг яқинлашиб келаётган рекордига қизғин тайёргарлик кўрмоқда
НХЛ президенти Стив Майер лига Александр Овечкин томонидан яқин кунларда янгиланиши мумкин бўлган рекордга қандай тайёргарлик кўраётганини маълум қилди.
Ҳоккей лигаси президентининг сўзларига кўра: «Биз бутун дунёдан тасвирга олувчи гуруҳларни тўпладик. Улар жамоа ичидаги ҳужжатли лойиҳалар устида ишлайдиган одамлар. Биз деярли ҳаммага микрофонлар ўрнатяпмиз, телевидение билан ҳамкорликда иш олиб боряпмиз, қўшимча камералардан фойдаланяпмиз. Турли оммавий ахборот воситалари журналистлари биз билан бирга юришяпти. Одамлар буни деярли Стэнли Кубоги финали сифатида қабул қилишяпти».
Маълум қилинишича, барча ускуналар йиғилиб, ҳар бир шаҳарга жўнатилаяпти. Барча экранлар, камералар текширилиши учун репетиция ўтказиляпти. Чунки бу воқеа ҳақиқий катта тарихий воқелик ҳисобланади. Россиялик хоккейчи Александр Овечкинга Уэйн Гретцкининг снайперлик рекордини янгилаши учун фақат икки шайба қолган.
