Жон Макгинннинг ягона голи Шотландияга Гаити устидан ғалаба келтирди
Европаликлар гуруҳда пешқадамга айланди.
ФОТО: Getty images
Жаҳон чемпионати “C” гуруҳи 1-туридан ўрин олган Гаити ва Шотландия терма жамоалари ўртасидаги учрашув бўлиб ўтди. Якунда шотландияликлар 1:0 ҳисобидаги ғалабани тантана қилди.
Учрашувнинг 29-дақиқасида Шотландия терма жамоаси ярим ҳимоячиси Жон Макгиннинг жарима майдончаси ташқарисидан йўлланган зарбаси рикошетдан сўнг гол билан якунланди.
“C” гуруҳининг қолган икки жамоаси Бразилия ва Марокаш ҳисобланади. Уларнинг ўзаро баҳси дуранг (1:1) билан якунланди. 2-турда шотландияликлар Марокаш терма жамоаси билан тўқнаш келади, Гаити эса Бразилия жамоасига қарши майдонга тушади. Ҳар иккала учрашув ҳам 20 июнга режалаштирилган.
